شرما نے استعفی دیا،داس نئے چیف سلیکٹر بن سکتے ہیں

ممبئی// چیتن شرما نے ایک نیوز چینل کے ذریعے دئیے گئے اسٹنگ آپریشن کے بعد ہندوستانی مردوں کی ٹیم کے چیف سلیکٹر کے عہدے سے استعفی دے دیا۔
شرمانے اس اسٹینگ آپریشن میں کھلاڑیوں کو انجکشن کے ذریعے کھلاڑیوں کو فٹ کرنے کا دعوی کیا تھا۔ انہوں نے اس کے علاوہ سابق کپتان وراٹ کوہلی اور ہندوستانی کرکٹ کنٹرول بورڈ(بی سی سی آئی) کے سابق صدر سورو گانگولی کے درمیان علیحدگی کی باتیں بھی ہوئی تھی۔
اسٹنگ آپریشن سے ناخوش بی سی سی آئی نے شرما سے اس معاملے میں صفائی مانگی تھی، حالانکہ انہوں نے صفائی دینے کے بجائے بورڈ کے سکریٹری جے شاہ کو اپنا استعفی دے دیا۔ذرائع کے مطابق شاہ نے شرما کا استعفی قبول کر لیاہے۔
بی سی سی آئی اس معاملے میں آج سرکاری طور پر تصدیق کر سکتا ہے۔ شرما کے تبدیل کرنے کے سلسلے میں فی الحال کوئی اطلاع نہیں ہے، حالانکہ ایسٹ زون کے سلیکٹر شیو سندر داس چیف سلیکٹر بننے کی دور میں شامل ہیں۔