یچوری نے تریپورہ انتخابی ریلی میں مودی کو نشانہ بنایا

اگرتلہ//کمیونسٹ پارٹی آف انڈیا-مارکسسٹ (سی پی آئی-ایم) کے جنرل سکریٹری سیتارام یچوری نے ٹیکس دہندگان کے پیسے کی قیمت پر اڈانی گروپ جیسے کارپوریٹس کی حمایت کرنے پر جمعرات کو وزیر اعظم نریندر مودی کی تنقید کی۔
یہاں گومتی ضلع کے ادے پور میں ایک انتخابی ریلی سے خطاب کرتے ہوئے یچوری نے الزام لگایا کہ بھارتیہ جنتا پارٹی (بی جے پی) مودی کے نام پر پورے ملک میں ووٹ مانگ رہی ہے اور یہ دعویٰ کر رہی ہے کہ ان کی قیادت میں 80 کروڑ غریبوں کو عوامی تقسیم کا نظام میں 5 کلو چاول مل رہے ہیں لیکن حقیقت یہ ہے کہ 5 کلو چاول حاصل کر کے گھر والوں نے جو تھوڑی سی رقم بچائی تھی وہ ضرورت سے زیادہ مہنگے ہوئے ضروری سامان خریدنے پر خرچ ہو گئی ہے ۔
مسٹر یچوری نے کہا کہ پچھلی حکومت نے ریاست میں 2 روپے میں 15 کلو چاول فراہم کیا تھا اور ضروری اشیاء کی قیمت سستی سطح پر تھی لیکن بی جے پی کی قیادت والی حکومت نے اقتدار میں آنے کے بعد چاول اور دیگر کی سبسڈی والی سپلائی کو واپس لے لیا اور اشیائے ضروریہ کی مارکیٹ بھی کنٹرول میں کردی۔ انہوں نے کہا کہ کووڈ کے دوران انہوں نے مفت چاول کی تقسیم شروع کی جیسے لوگ صرف چاول سے ہی زندہ رہیں گے ۔
انہوں نے کہا کہ تریپورہ ایک سال میں اوسطاً 82 سے 90 دن منریگا کے تحت ملک میں سب سے زیادہ روزگار پیدا کرنے والی ریاست ہوا کرتی تھی۔ اب اسے سال میں 10 دن سے بھی کم کردیا گیا ہے اور حکومت نے اس طرح کی دیہی فلاحی اسکیموں کے بجٹ میں بتدریج کمی کردی ہے ۔ اس کے بجائے وہ اڈانی گروپ کی حمایت کر رہے ہیں۔مودی جی کے کہنے پر اڈانی گروپ ملک کے آٹھ ہوائی اڈوں اور کئی بندرگاہوں کے مالک بن گئے ہیں۔