اپوزیشن کے ہنگامے کے باعث لوک سبھا کی کارروائی ملتوی

نئی دہلی// لوک سبھا میں منگل کو صدر کے خطاب پر شکریہ کی تحریک پر بحث شروع کرتے ہوئے ، بھارتیہ جنتا پارٹی (بی جے پی) کے چندر پرکاش جوشی کی جانب سے اپنی عفت کی حفاظت کے لیے قربانی کی روایت کے ذکر سے برہم اپوزیشن کی ہنگامہ آرائی کے باعث دوپہر 1.30 بجے تک ایوان کی کارروائی ملتوی کر دی گئی۔
جب مسٹر جوشی نے شکریہ کی تحریک پر بحث کے دوران ستی پرتھا کا ذکر کیا تو ڈی ایم کے کی کنی موزی، نیشنلسٹ کانگریس پارٹی (این سی پی) کی سپریا سولے اور اپوزیشن کے دیگر ارکان نے اسے ستی پرتھا کی حمایت قرار دیتے ہوئے ہنگامہ شروع کردیا۔ وہ ایوان کی کارروائی سے ‘ستی پراٹھا’ سے متعلق جملوں کو ہٹانے کا مطالبہ کرتے ہوئے ایوان کے وسط میں آگئے ۔
لوک سبھا اسپیکر اوم برلا نے ارکان سے اپنی نشستوں پر واپس جانے کی اور ایوان کی کارروائی بخوبی چلنے دینے کی اپیل کی لیکن اپوزیشن ارکان ہنگامہ کرتے رہے اور ستی پرتھا سے متعلق بیان کو ایوان کی کارروائی سے ہٹانے کا مطالبہ کیا۔ اس کے بعد مسٹر برلا نے ایوان کی کارروائی 1330 تک ملتوی کر دی۔