شمالی تریپورہ/ کھوئی/// اتر پردیش کے وزیر اعلی یوگی آدتیہ ناتھ نے منگل کو کہا کہ کانگریس کی ملک کے لوگوں کو دھوکہ دینے کی تاریخ رہی ہے اور اس بار وہ کمیونسٹوں کے ساتھ مل کر جنوب مشرقی ریاست کے عوام کی حفاظت میں سورخ کرنے کا کام کر رہی ہے ۔
باغباسہ اور کلیان پور-پرمود نگر حلقوں میں روڈ شو کے بعد جلسوں سے خطاب کرتے ہوئے مسٹر یوگی نے ترقیاتی کاموں کی بنیاد پر تریپورہ میں دوسری بار بھارتیہ جنتا پارٹی (بی جے پی) کی حکومت بنانے کی اپیل کی۔
باغباسہ سے بی جے پی امیدوار جادب لال ناتھ کے حق میں منعقدہ جلسہ عام میں مسٹر یوگی نے کہا کہ پانچ سالوں میں ڈبل انجن والی حکومت کے کاموں نے تریپورہ کو ایک الگ پہچان دی ہے ۔ وزیر اعظم نریندر مودی کا سب کا ساتھ، سب کا وکاس کا اصل منتر تریپورہ میں زمین پر دکھائی دے رہا ہے ۔ بی جے پی حکومت بغیر کسی تفریق کے سب کا تعاون، سب کا وکاس، سب کا ایمان اور سب کی کوشش کو حقیقت بنا رہی ہے ۔
انہوں نے کہا، ”کمیونسٹ اور کانگریس کی غلط حکمرانی مل کر الیکشن لڑ رہی ہے ۔ وہ بدانتظامی کو بڑھانے اور انتشار پھیلانے کے لیے دوبارہ میدان میں آ گئے ہیں۔