سندھو، سری کانت کوریا اوپن کے کوارٹر فائنل میں، لکشیہ باہر

سنچیون// سابق عالمی چمپئن پی وی سندھو اور عالمی چمپئن شپ کے چاندی کا تمغہ جیتنے والے کدامبی سری کانت جمعرات کو یہاں کوریا اوپن بیڈمنٹن چمپئن شپ کے کوارٹر فائنل میں پہنچ گئے۔
سندھو نےجہاں جاپان کی اوہوری کو 21-15، 21-10 سے شکست دی، وہیںسری کانت نے اسرائیل کی میشا زلبرمین کو 21-18، 21-6 سے ہرا کر کوارٹر فائنل میں داخلہ لیا۔
کوارٹر فائنل میں سندھو کا مقابلہ تھائی لینڈ کی بوسانان اونگبامرنگفن سے ہوگا، جنہیں انہوں نے گزشتہ ماہ سوئس اوپن کے فائنل میں شکست دی تھی۔ دوسری جانب سری کانت کا سیمی فائنل میں جگہ کے لیے جنوبی کوریا کے سون وانہو سے مقابلہ ہوگا۔ حالانکہ آل انگلینڈ اوپن کے فائنلسٹ لکشیہ سینراؤنڈ آف 16 میں انڈونیشیا کے ہیرن رستاویتو سے 20-22، 9-21 سے ہار کر باہر ہو گئے۔
اس دوران نوجوان ملاویکا بنسود کو خواتین کے سنگلز کے دوسرے راؤنڈ میں تھائی لینڈ کی اپنی حریف پورنپاوی چوچوونگ سے 8-21، 14-21 سے شکست کا سامنا کرنا پڑا۔ اس کے علاوہ ساتوک سائراج رینکیریڈی اور چراغ شیٹی کی ہندوستانی مرد ڈبلز ٹیم نے جیت کا سلسلہ جاری رکھا۔ ہندوستانی جوڑی نے سنگاپور کے یونگ کائی ٹیری اور لوہ کین ہین کو 21-15، 21-19 سے ہرا کر سپر 500 ٹورنامنٹ کے کوارٹر فائنل میں رسائی حاصل کی۔
دوسری طرف، ایم آر ارجن اور دھرو کپیلا پہلے سیٹ میں ہیندرا سیٹیوان اور محمد احسن کی سیکنڈ سیڈ انڈونیشیائی جوڑی کے خلاف درمیان میں ہی ریٹائرڈ ہرٹ ہو گئے۔ مکسڈ ڈبلز میں سومیت ریڈی اور اشونی پونپا کو چین کے او شوان یی اور ہوانگ یا کیانگ کے ہاتھوں 20-22، 21-18، 14-21 سے تین گیمز میں شکست ہوئی۔