مودی کے ‘پریکشا منتر’ پر کیندریہ ودیالیہ میں پینٹنگ مقابلے کا انعقاد

نئی دہلی// امتحانات کے تناؤ سے نمٹنے اور مثبت سوچ کو فروغ دینے کے لیے وزیر اعظم نریندر مودی کے ‘پریکشا منتر’ پر مبنی پینٹنگ مقابلہ پیر کو یہاں جواہر لال نہرو یونیورسٹی (کے وی جے این یو) کیمپس کے کیندریہ ودیالیہ میں منعقد کیا گیا۔ جس میں مختلف اسکولوں کے طلباء کی کثیر تعداد نے شرکت کی۔
کیندریہ ودیالیہ جے این یو کے پرنسپل چندن کوہلی نے حصہ لینے والے طلبہ کی حوصلہ افزائی کی۔ طلباء کو وزیر اعظم مودی کے ‘پرکشا منتر’ پر عمل کرنے کا مشورہ دیتے ہوئے انہوں نے کہا کہ امتحان کو تناؤ کے طور پر نہیں بلکہ ایک چیلنج کے طور پر لینا چاہیے ۔ انہوں نے کہا کہ امتحان کے چیلنج پر پورے اعتماد کے ساتھ قابو پایا جا سکتا ہے ۔
مسٹر کوہلی نے کہا کہ مقابلہ میں نیلنجنا مگو (ڈی پی ایس آر کے پورم) پہلے ، ونیا ورما (چنما ودیالیہ) دوسرے ، رادھیکا (گرین فیلڈ اسکول صفدرجنگ انکلیو) تیسرے ، راکی [؟][؟]رحمان (آر بی ہائر سیکنڈری اسکول، وسنت کنج) نے چوتھے ، آدرش کے ۔ سریش (گرین فیلڈ اسکول، صفدرجنگ انکلیو) نے پانچویں پوزیشن حاصل کی۔
مسٹر مودی کی طرف سے لکھی گئی کتاب ‘اگزام واریئرز’ کے علاوہ نیشنل بک ٹرسٹ (این بی ٹی) کی طرف سے شائع کردہ مجاہدین آزادی اور جدوجہد آزادی سے متعلق کتابوں کا ایک سیٹ اور ان شرکاء کو سرٹیفکیٹ کے ساتھ دیے گئے ۔ دیگر تمام شرکاء کو وزیر اعظم کی طرف سے تیار کردہ کتاب ‘اگزام واریئرز’ اور ڈیجیٹل سرٹیفکیٹ بھی دیے گئے ۔