رائے پور// یک روزہ کرکٹ میں سنچری کی خشک سالی سے گزر رہے ہندوستانی کپتان روہت شرما نے نیوزی لینڈ کے خلاف آٹھ وکٹوں کی زبردست جیت کے بعد کہا کہ وہ اپنی بلے بازی سے خوش ہیں اور بڑا اسکور "کچھ دور” ہی ہے۔
روہت نے میچ کے بعد کہاکہ”میں اپنے کھیل کو تھوڑا سا تبدیل کرنے کی کوشش کر رہا ہوں۔ گیند باز حملہ کرنے کی کوشش کرتے ہیں اور مجھے لگتا ہے کہ یہ اہم ہے۔ میں جانتا ہوں کہ بڑا (ذاتی) اسکور نہیں آیا ہے لیکن میں اس کے بارے میں زیادہ فکر مند نہیں ہوں۔ بس وہ کچھ دور ہی ہے۔”
واضح رہے کہ روہت نے جنوری 2020 کے بعد سے ون ڈے کرکٹ میں سو رنز کا ہندسہ نہیں چھوا ہے، حالانکہ وہ ہفتہ کو اچھی لے میں نظر آئے۔ نیوزی لینڈ نے دوسرے ون ڈے میں ہندوستان کے سامنے 109 رنز کا معمولی ہدف دیا جسے ہندوستان نے 20.1 اوورز میں حاصل کر لیا۔ روہت نے 50 گیندوں میں 51 رنز بنا کر ہندوستان کی جیت میں اہم کردار ادا کیا۔روہت نے ہندوستانی گیند بازوں کے بارے میں کہاکہ”گیند بازوں نے واقعی پچھلے پانچ میچوں میں قدم بڑھایا ہے۔ ہم نے ان سے جو بھی مانگا انہوں نے قدم بڑھا کر دیا ہے۔ آپ کو ہندوستان میں اس طرح کی یکساں موومنٹ نظر نہیں آتی ہے، یہ ہندوستان کے باہر دیکھنے کو ملتا ہے۔ ان گیند بازوں کے پاس بہترین صلاحیتیں ہیں۔ وہ واقعی سخت محنت کرتے ہیں اور ان کا نتیجہ دیکھ کر بہت اچھا لگتا ہے۔