بڈگام/۱۶ جنوری
وسطی کشمیر کے بڈگام ضلع میں پیر کی صبح آگ لگنے کے واقعے میں روڈ ٹرانسپورٹ کارپوریشن کی ایک مسافر بس، جسے پہلے ایس آر ٹی سی کہا جاتا تھا، مکمل طور پر تباہ ہو گئی۔
یہ واقعہ ضلع کے شنگلی پورہ بس اسٹیشن کے قریب صبح سات بجے پیش آیا۔
ایک مقامی خبر رساں ایجنسی نے بس کے ڈرائیور ‘محمد یونس کے حوالے سے بتایا کہ اس نے بس شنگلی پورہ بس اسٹیشن پر کھڑی کی تھی اور پیر کی صبح جب انہوں نے گاڑی اسٹارٹ کی تو اس میں شارٹ سرکٹ ہوا اور کچھ ہی دیر میں بس میں آگ لگ گئی۔
یونس نے کہا کہ بس میں آگ لگ گئی اور اسے تیزی سے نقصان پہنچا کیونکہ یہ فائبر سے بنی ہے۔انکاکہنا تھا”مقامی لوگوں نے آگ بجھانے میں مدد کی۔ آگ پر قابو پانے کے بعد ماگام سے فائر ٹینڈر پہنچا“۔
پولیس نے واقعہ کا نوٹس لیتے ہوئے قانون کی متعلقہ دفعات کے تحت مقدمہ درج کر لیا ہے۔