ہندوارہ میں ایک ہی کنبے کے چار افراد کو اپنے کمرے میں بے ہوش

سرینگر//
شمالی کشمیر کے قصبہ ہندوارہ کے مچھی پورہ علاقے میں ہفتے کی صبح اس وقت ہر سو سراسیمگی پھیل گئی جب ایک ہی کنبے کے چار افراد کو اپنے گھر میں بے ہوش پایا گیا جس کے بعد انہیں ہسپتال منتقل کیا گیا۔
ذرائع نے بتایا کہ ہندوارہ کے مچھی پورہ علاقے میں ہفتے کی صبح ایک ہی کنبے کے چار افراد جن میں جاوید احمد بٹ اس کی اہلیہ اور ان کے دو بچے شامل ہیں ، کو اپنے کمرے میں بے ہوش پایا گیا۔انہوں نے کہا کہ بے ہوش افراد کو فوری طور ضلع ہسپتال ہندوارہ منتقل کیا گیا جہاں وہ زیر علاج ہیں۔
ڈاکٹروں کا کہنا ہے کہ رات بھر ہیٹر چالو رہنا ان افراد کے بے ہوش ہونے کی وجہ ہوسکتی ہے ۔
بتادیں کہ وادی میں سردی سے بچنے کیلئے رات بھر ہیٹر چالو رکھنا انتہائی خطرناک ثابت ہو رہا ہے اور اس کے نتیجے میں کئی انسانی جانیں ضائع بھی ہوئی ہیں۔
حکام نے لوگوں سے اس سلسلے مییں احتیاط سے کام لینے کی اپیل کی ہے ۔