ایل جی کا مژھل واقعہ میں جاں بحق فوجیوں کا خراج عقیدت

سرینگر//
جموںکشمیر کے لیفٹیننٹ گورنر‘ منوج سنہا نے کپوارہ کے مژھل سیکٹر میں کھائی میں گر کر جاں بحق ہونے والے فوجی جوانوں کو شاندار خراج عقیدت پیش کیا۔
سنہا نے غمزدہ خاندانوں کی خدمت میں تعزیت و تسلیت پیش کیا۔
بتادیں کہ شمالی ضلع کپوارہ کے مژھل سیکٹر میں ایک افسر سمیت تین فوجی اہلکار پھسل کر ایک گہری کھائی میں گرجانے سے جان بحق ہوگئے ۔
لیفٹیننٹ گورنر نے جاں بحق ہونے والے فوجی جوانوں کو خراج عقیدت پیش کرتے ہوئے اپنے ایک ٹویٹ میں کہا’’کپوارہ کے مژھل سیکٹر میں اپنی ڈیوٹی انجام دینے کے دوران از جان ہونے والے بہادر فوجی جوانوں کے حوصلے کو سلام کرتا ہوں‘‘۔
سنہا نے کہا’’ان شہیدوں کے خاندانوں کو تعزیت پیش کرتا ہوں‘‘۔ان کا ٹویٹ میں مزید کہنا تھا’’ قوم کے تئیں ان کی قربانی اور بے لوث خدمت کو ہمیشہ یاد رکھا جائے گا۔‘‘