سرینگر//
پولیس اور فوج نے بدھ کو دعویٰ کیا کہ انہوں نے شدھ پورہ تاڈ کے شمیم احمد شیخ ولد سدر الدین شیخ کے گھر سے تین پستول‘اتنے ہی چینی دستی بم اورگولہ بارود برآمد کئے ہیں۔
پولیس کے ایک ترجمان کے مطابق’’خاص معلومات پر کارروائی کرتے ہوئے، پولیس نے فوج کے ساتھ مل کر کرناہ، کپواڑہ کے گاؤں شدھ پورہ تاڈ علاقے میں ایک مشترکہ محاصرہ اور تلاشی آپریشن شروع کیا‘‘۔
ترجمان نے کہا’’تلاشی آپریشن کے دوران، مشترکہ ٹیم نے شمیم احمد شیخ ولد سدر الدین شیخ ساکن شدھ پورہ تاڈ کے گھر سے ۳ پستول، ۳ پستول میگزین، ۲۲ پستول کے راؤنڈز اور ۳ چائنیز گرینیڈ سمیت اسلحہ اور گولہ بارود برآمد کیا‘‘۔
پولیس ترجمان نے کہاکہ قانون کی متعلقہ دفعات کے تحت ایک مقدمہ (ایف آئی آر نمبر۲/۲۰۲۳) درج کی گئی ہے اور مزید تفتیش جاری ہے۔