چھتر گل علاقے میں زنگ آلود شیل بر آمد‘ ناکارہ بنا دیا

سرینگر//
جنوبی کشمیر کے ضلع اننت ناگ کے چھتر گل علاقے میں منگل کی شام دیر گئے ایک زنگ آلود شیل بر آمد کیا گیا۔
سرکاری ذرائع نے بتایا کہ اننت ناگ کے سنگلن چھترگل علاقے میں منگل کی شام دیر گئے ایک زنگ آلود شیل بر آمد کیا گیا۔انہوں نے کہا کہ پولیس، سیکورٹی فورسز اور بم ناکارہ بنانے والے ایک مشترکہ ٹیم بدھ کی صبح جائے موقع پر پہنچ گئی۔
ان کا کہنا تھا کہ بم ناکارہ بنانے والی ایک ٹیم نے اس شیل کو بغیر کوئی نقصان پہنچائے ناکارہ بنا دیا۔