مرمو، مودی، شاہ نے گرو گوبند سنگھ کے پرکاش پرو کی مبارکباد دی

نئی دہلی//صدر دروپدی مرمو، وزیر اعظم نریندر مودی اور مرکزی وزیر داخلہ امت شاہ نے آج گرو گوبند سنگھ کے پرکاش پروکے موقع پر ہم وطنوں کو مبارکباد دی۔
صدر مرمو نے جمعرات کو ٹویٹ کیا، "گرو گوبند سنگھ جی کے پرکاش پرو کے موقع پر آپ سب کو دل کی گہرائیوں سے مبارکباد۔ خالصہ پنتھ کے بانی ‘سربنس دان’ گرو گوبند سنگھ جی نے ہمیشہ مساوات اور انصاف کے لیے جدوجہد کی۔ انسانیت کی خدمت کے لیے ان کی اٹوٹ وابستگی ہمیں متاثر کرتی رہتی ہے ۔’’
مسٹر مودی نے ٹویٹ کیا، "ان کے پرکاش پرو کے پرمسرت موقع پر، میں شری گرو گوبند سنگھ جی کوخراج عقیدت پیش کرتا ہوں اور انسانیت کی خدمت میں ان کے تعاون کو یاد کرتا ہوں۔ ان کی بے مثال ہمت آنے والے برسوں تک لوگوں کو متاثر کرتی رہے گی۔”
مسٹر شاہ نے ٹویٹ کیا، "سکھوں کے دسویں گرو اور خالصہ پنتھ کے بانی گرو گوبند سنگھ جی کے پرکاش پرو پرمیں انہیں یاد کرتے ہوئے خراج عقیدت پیش کرتا ہوں۔
جس بہادری سے انہوں نے مذہب اور انسانیت کے تحفظ کے لیے حملہ آوروں کا مقابلہ کیا وہ متاثر کن ہے ۔ ان کی قربانی، ایثار اور تعلیمات ہمیشہ ہماری رہنمائی کرتی رہیں گی۔
قابل ذکر ہے کہ آج سکھوں کے دسویں گرو شری گرو گوبند سنگھ جی کا پرکاش پرو ملک بھر میں منایا جا رہا ہے ۔ اس موقع پر دارالحکومت دہلی کے تمام گرودواروں میں خصوصی تیاریاں کی گئی ہیں۔