جرسی جزیرے پر رہائشی عمارت میں دھماکہ، 5 افراد ہلاک

جرسی جزائر//
جرسی جزیرے کی ایک رہائشی عمارت میں دھماکے سے 5 افراد ہلاک ہوگئے ہیں۔برطانوی تاج کے ماتحت شمالی فرانس کے قریب چھوٹے جزیروں پر آباد ملک بیلیک آف جرسی آئی لینڈز کی پولیس اور ریسکیو حکام کا کہنا ہے کہ دھماکے سے تین منزلہ عمارت مکمل طور پر تباہ ہو گئی ہے۔
ریسکیو حکام کا کہنا ہے کہ عمارت میں رہائش پذیر 5 افراد ہلاک ہوگئے ہیں، اور ملبے سے کسی کے زندہ ملنے کی امید دم توڑ چکی ہے۔
جرسی جزائر کے پولیس چیف کا کہنا ہے کہ واقعہ کسی مجرمانہ حرکت کا نتیجہ ہے یا حادثہ اس بارے میں فی الحال کچھ نہیں کہا جا سکتا۔
انہوں نے کہا کہ واقعے کی آزادانہ تحقیقات کی جا رہی ہیں ہم کوئی بھی اندازہ قائم نہیں کر رہے نہ ہی کسی پہلو کو نظر انداز کیا جائے گا، واقعے کی ہر پہلو سے تحقیقات کی جائیں گی۔