رشوت خوری میں گرفتار ڈی ایس پی معطل

سرینگر//
جموں کشمیر انتظامیہ نے پولیس کے ایک اعلیٰ افسر کو رشوت خوری میں گرفتار ہونے پر نوکری سے معطل کر دیا ہے۔
کرائم برانچ میں تعینات ڈی ایس پی وریندر سنگھ کو گزشتہ ہفتے انسداد رشوت خوری (اے سی بی) نے دو لاکھ کی رشوت لیتے ہوئے رنگے ہاتھوں گرفتار کیا تھا۔
حکومت کے ایک حکمنامہ کے مطابق مذکورہ افسر کو سیول سروس رولز کے تحت معطل کیا گیا ہے۔
واضح رہے کہ گرفتار شدہ افسر کو۱۱ نومبر جموں میں اے سی بی کی ایک ٹیم نے پچاس ہزار روپے رشوت لیتے ہوئے رنگے ہاتھوں پکڑا تھا۔
مذکورہ افسر‘جو جموں میں کرائم پرانچ میں تعینات تھے، نے ایک درخواست کنندہ کو اسکے ایک معاملے کو حل کرنے کیلئے دو لاکھ روپے رشوت کا مطالبہ کیا تھا۔
اے سی بی نے افسر پر انسداد رشوت خوری کے قوانین کے تحت مقدمہ درج کرکے اسکو گرفتار کیا تھا۔