روس نے بھی پابندیوں کا ہتھیار اٹھا لیا

ماسکو//
روس نے بھی امریکہ اور یورپی ممالک کی طرف اپنے مخالفین کے خلاف پابندیاں لگانے کاہتھیار استعمال کرنا شروع کر دیا ہے۔ جمعہ کے روس وزارت خارجہ نے اعلان کیا ہے کہ 200 امریکی شہریوں کی روس میں داخلے پر پابندی لگا دی گئی ہے۔
ان روسی پابندیوں کی زد میں آنے والوں میں امریکی صدر جو بائیڈن کی ایک بہن ویلری بائیڈن اور دو بھائی جیمز بریاب بائیدن اور فرانسس ولیم بائیڈن بھی شامل ہیں۔
روسی وزارت خارجہ کے مطابق یہ امریکی اقدام کا جواب ہے۔ جس طرح امریکہ نے ہمارے لوگوں کو انفرادی طور پر پابندیوں کا نشانہ بنایا ہے اسی طرح ہم نے بھی یہ فیصلہ کیا ہے۔
روس کی طرف سے لگائی گئی ان پابندیوں کی زد میں وائٹ ہاوس کی پریس سیکرٹری کیرین جین پیرے بھی شامل ہیں۔