نئی دہلی// وزیر اعظم نریندر مودی دنیا کے اقتصادی طور پر طاقتور 20 ممالک کے گروپ کی صدارت کرنے کے لئے 17 ویں جی -20 سربراہی اجلاس میں حصہ لینے 14 نومبر کو انڈونیشیا کے بالی جائیں گے ۔
وزارت خارجہ کے ترجمان ارندم باگچی نے یہاں باقاعدہ بریفنگ میں کہا کہ مسٹر مودی انڈونیشیا کے صدر جوکو ویدودو کی دعوت پر 14 سے 17 نومبر تک بالی کا دورہ کریں گے ۔ کووڈ وباکے بعد ‘ ری کوور ٹوگیدر، ری کوور اسٹرانگر’ کے موضوع پر منعقد ہونے والی چوٹی کانفرنس میں تین سیشنز- ‘فوڈ اینڈ انرجی سیکیورٹی’، ‘صحت’ اور ‘ڈیجیٹل ٹرانسفارمیشن ‘ کے موضوعات پر مبنی ہوں گے ۔
مسٹر باگچی نے کہا کہ اس بار جی -20 سربراہی اجلاس میں مسٹر مودی مسٹر ویڈوڈوسے جی -20 کی صدارت سنبھالیں گے ۔ وزیر اعظم مسٹر ویدوڈو سمیت کئی عالمی رہنماؤں سے دو طرفہ ملاقاتیں بھی کریں گے ۔
ترجمان نے 17ویں جی ٹوئنٹی سربراہی اجلاس میں روسی صدر ولادیمیر پوتن کی عدم موجودگی سے متعلق سوال پر تبصرہ کرنے سے انکار کردیا۔