یہ بات کانگریس کے صدر‘ ملکا رجن گھڑگے بھی جانتے ہیں اور… اور سو فیصد جانتے ہیں کہ … کہ اگلے لوک سبھانتخابات میںکا نگریس جیتے گی نہ وہ حکومت بنا پائیگی اور… اور نہ راہل گاندھی وزیر اعظم بن جائیں گے … یہ بات وہ اچھی طرح جانتے ہیں اور… اور اس لئے جانتے ہیں کیونکہ… کھڑگے نے اپنے بال دھوپ میں سفید نہیں کئے ہیں اور… اور بالکل بھی نہیںکئے ہیں… لیکن پھر بھی کانگریس کے صدر نے کہا کہ راہل گاندھی کی کی قیادت میں اگلی وفاقی حکومت قائم ہو گی اور… اور اس لئے ہو گی کیونکہ کھڑکے صاحب گاندھی خاندان کو یقین دلانا چاہتے ہیں اور… اور بار دلانا چاہتے ہیں کہ وہ پارٹی کے صدر بننے کے بعد بھی ان کے وفادار تھے‘ ہیں اور رہیں گے… اور اسی وفادار ی کے مظاہرے میں یہ جناب آگے نہیںبلکہ بہت آگے نکل گئے… اتنے آگے کہ کھڑگے زمینی حالات سے مکمل طور پر باخبر ہونے کے باوجود بھی ایسی باتیں … ایسے دعوے کرتے ہیں جو محض دعوے ہیں …کچھ اور نہیں ‘بالکل بھی نہیں ۔ کانگریس پارٹی کا حال یہ ہے کہ علاقائی جماعتیں اس کو اپوزیشن اتحاد میں شامل کرنے سے گریزاں نظر آ رہی ہیں اور… اور کھڑگے جی! جب حال یہ ہو تو… تو کیا اپوزیشن جماعتیں آپ کے راہل بابا کو اپنا سربراہ مانیں گی …؟ جواب کھڑے جی جانتے ہیں… لیکن کیا کیجئے گا کہ کانگریس میں اب ایک نیا کلچر پروان چڑھ رہا ہے… ایسا کلچر جس میں زمینی حقائق کو اہمیت نہیں دی جاتی ہے اور… اور بالکل بھی نہیں دی جاتی ہے… اگر کسی کو اہمیت دی جاتی ہے تو… تو چاپلوسی کو دی جاتی ہے… گاندھی خاندان کی چاپلوسی … میڈم سونیا اور راہل بابا کی چاپلوسی … اور کھڑ گے جی بھی اسی کلچر کو فروغ دینے کیلئے کوشاں ہیں… اگر ایسا نہیں ہو تا تو… تو یہ وہ باتیں نہیں کرتے جو یہ کررہے ہیں ۔ سچ تو یہ ہے کہ ۲۰۲۴ کے لوک سبھا انتخابات کانگریس کے تابوت میں آخری کیل ثابت ہوں گے …یہ الیکشن مودی جی کے ’کانگریس مکت‘ بھارت کا مشن سچ ثابت کرے گااور… اور اپنے گھڑ گے جی دیکھتے رہیں گے… اور اس لئے دیکھتے رہیں گے کیونکہ ان کی پارٹی … کانگریس پارٹی اب زائد المعیاد ہو گئی ہے …جب کانگریس پارٹی پچاس سٹھ سال تک حکومت کر سکتی ہے تو… تو اندازہ لگائیے کہ بی جے پی کتنے سال تک حکومت کرنا چاہے گی … اور اس لئے کرنا چاہے گی کیونکہ یہ خود کو بھارت ورش‘ اس کی تہذیب و تمدن اور ثقافت کی اصلی وارث سمجھتی ہے …اور سو فیصد سمجھتی ہے ۔ ہے نا؟