ٹکر کی زبردست کوشش کی بدوت آسٹریلیا کی جیت

برسبین// آسٹریلیا نے لارکن ٹکر (71 ناٹ آؤٹ) کی جارحانہ نصف سنچری کے باوجود ٹی 20 ورلڈ کپ 2022 کے سپر-12 میچ میں پیر کو آئرلینڈ کو 42 رن سے شکست دے دی۔ گروپ 1 کے میچ میں آسٹریلیا نے آئرلینڈ کو 180 رن کا ہدف دیا جس کے جواب میں آئرلینڈ کی ٹیم 18.1 اووروں میں 137 رن پر آل آؤٹ ہوگئی۔
آسٹریلیا کو 20 اووروں میں 179 رن تک پہنچانے کے لئے ایرون فنچ نے 44 گیندوں میں پانچ چوکوں اور تین چھکوں کی مدد سے 63 رن بنا ئے جب کہ اسٹونیس نے 25 گیندوں میں تین چوکوں اور ایک چھکے کی مدد سے 35 رن کی اننگز کھیلی۔ اس کے علاوہ مچل مارش نے بھی 28 (22) رن کا تعاون دیا۔
ہدف کا تعاقب کرتے ہوئے آئرش کے دیگر بلے باز 20 رن کے اسکور تک بھی نہ پہنچ سکے وہیں ٹکر نے یک طرفہ کوشش سے آئرلینڈ کی امیدوں کو زندہ رکھا۔ تیسرے نمبر پر بیٹنگ کے لیے آنے والے ٹکر نے 48 گیندوں پر نو چوکوں اور ایک چھکے کی مدد سے ناٹ آؤٹ 71 رن بنائے لیکن انہیں کسی کا ساتھ نہیں ملا اور آئرلینڈ ہدف سے 42 رن دور رہ گئی۔
اس جیت کے ساتھ ہی آسٹریلیا گروپ 1 میں دوسرے نمبر پر چلا گیا ہے جبکہ آئرلینڈ چوتھی پوزیشن پر ہے۔
آئرلینڈ نے ٹاس جیت کر بالنگ کا فیصلہ کیا اور اوپنر ڈیوڈ وارنر کو صرف تین رن پر پویلین بھیج دیا۔ فنچ نے پھر اننگز کو آگے بڑھایا اور مارش کے ساتھ 52 رن کی شراکت داری کی۔ بیری میکارتھی (29/3) نے مارش کو آؤٹ کرکے شراکت کو توڑا، جب کہ جوشوا لٹل (21/2) نے گلین میکسویل کو 13 رن پر آؤٹ کرکے آسٹریلیا کو تیسرا دھچکا دیا۔
اس کے بعد وکٹ پر آنے والے اسٹوئنس نے فنچ کے ساتھ نصف سنچری شراکت داری کرکے آسٹریلیا کو مضبوط پوزیشن میں پہنچا دیا۔ آخر میں ٹم ڈیوڈ (15 ناٹ آؤٹ) اور میتھیو ویڈ (07 ناٹ آؤٹ) نے آخری اوور میں 17 رن جوڑ کر آسٹریلیا کو 179/5 تک پہنچا دیا۔
ہدف کے تعاقب میں آئرلینڈ نے 25 رن پر پانچ وکٹ گنوا دیئے۔ ٹکر وکٹ پر موجود رہے لیکن دیگر بلے بازوں کے پاس آسٹریلیائی بالنگ کا کوئی جواب نہیں تھا۔ آئرلینڈ کے سات بلے باز ڈبل فیگر کو بھی نہ چھو سکے جب کہ دو کھلاڑی صفر پر آؤٹ ہوئے۔ ٹکر کے 71 کے مقابلے میں دیگر 10 کھلاڑیوں نے صرف 58 رن بنائے۔
آسٹریلیا کی جانب سے میکسویل، مچل اسٹارک، ایڈم زمپا اور پیٹ کمنز نے دو دو وکٹ حاصل کئے جبکہ مارکس اسٹوئنس نے ایک وکٹ حاصل کیا۔