وسیم اکرم کا بابر اعظم کو مشورہ

کراچی ///
پاکستان کرکٹ ٹیم کے سابق فاسٹ بولر وسیم اکرم نے زمبابوے کے خلاف شکست کے بعد کپتان بابر اعظم کو مشورہ دے دیا۔
ایک پاکستانی اسپورٹس چینل پر گفتگو کرتے ہوئے وسیم اکرم نے کہا کہ ورلڈ کپ میں جانے سے پہلے پاکستان کے لیے مڈل آرڈر سب سے بڑا مسئلہ تھا، جو کوئی راز بھی نہیں ہے۔
وسیم اکرم نے کہا کہ اگر میں کپتان ہوتا تو میرا مقصد ورلڈ کپ جیتنا ہوتا اور اگر اس کے لیے مجھے مڈل آرڈر میں شعیب ملک کی ضرورت ہوتی تو میں سلیکٹرز اور چیئرمین کو یقینی طور پر بتاتا کہ مجھے شعیب ملک چاہیے ورنہ میں کپتانی نہیں کروں گا، لیکن ہمارے پاس ایسا کرنے والے لوگ نہیں ہیں۔
وسیم اکرم نے کہا کہ کپتان کو عقلمند ہونا ہوگا کیونکہ وہ ورلڈ کپ میں محلے کی ٹیموں کے خلاف نہیں کھیل رہے ہیں۔
سابق فاسٹ بولر نے زور دیتے ہوئے کہا کہ ٹیم میں موجود کھلاڑی اچھے ہیں لیکن اگر میں ہوتا تو شعیب ملک کو سب سے پہلے مڈل آرڈر میں رکھتا کیونکہ یہ آسڑیلیا ہے شارجہ اور دبئی نہیں۔