سرینگر/27 اکتوبر
وزیر دفاع راج ناتھ سنگھ نے جمعرات کو کہا کہ پاکستان اپنے مقبوضہ کشمیر میں لوگوں کے خلاف مظالم کر رہا ہے اور اسے اس کا خمیازہ بھگتنا پڑے گا۔
پاکستان کے زیر قبضہ جموں و کشمیر (PoJK) کو دوبارہ حاصل کرنے کا اشارہ دیتے ہوئے، وزیر نے کہا کہ جموں و کشمیر اور لداخ کے جڑواں مرکز کے زیر انتظام علاقوں میں مجموعی ترقی کا ہدف ’گلگت اور بلتستان تک پہنچنے کے بعد‘حاصل کیا جائے گا ۔
سنگھ کاکہنا تھا”ہم نے ابھی جموں کشمیر اور لداخ میں ترقی کا سفر شروع کیا ہے۔ جب ہم گلگت اور بلتستان پہنچیں گے تو ہم اپنا مقصد حاصل کریں گے۔“
وزیر دفاع نے ’شوریہ دیوس‘ تقریب سے خطاب کرتے ہوئے کہا ” 1947 میں آج کے دن ہندوستانی فضائیہ کی سری نگر میں لینڈنگ کا عمل شروع ہوا۔پاکستان کے زیر قبضہ کشمےر میں پاکستانی مظالم کا حوالہ دیتے ہو ئے وزیر دفاع نے کہا کہ پڑوسی ملک کو ”اس کے نتائج بھگتنا ہوں گے“۔
سنگھ نے کہا کہ”دہشت گردی کا کوئی مذہب نہیں ہوتا۔ دہشت گردوں کا واحد مقصد ہندوستان کو نشانہ بنانا ہے“۔
وزیر دفاع نے کہا کہ 5 اگست 2019 کو آرٹیکل 370 کو منسوخ کرنے کے مرکز کے فیصلے نے جموں و کشمیر میں لوگوں کے ساتھ امتیازی سلوک کو ختم کیا۔انہوں نے کہا کہ 5 اگست 2019 کو وزیر اعظم نریندر مودی کی قیادت میں جموں و کشمیر کے لوگوں کے ساتھ امتیازی سلوک ختم ہو گیا تھا۔
