راہل نے دیوالی پر ہم وطنوں کو مبارکباد دی

نئی دہلی// کانگریس کے سابق صدر راہل گاندھی نے دیوالی کے موقع پر ہم وطنوں کو گرمجوشی سے مبارکباد دی ہے ۔
مسٹر گاندھی نے ایک فیس بک پوسٹ میں جاری اپنے پیغام میں کہا، "تمام ہم وطنوں کو دیوالی کی بہت بہت مبارکباد۔ یہ مقدس تہوار تاریکی پر روشنی کی جیت اور جھوٹ پر سچ کی جیت کی علامت ہے ۔
انہوں نے کہا کہ کیا آپ نے کبھی سوچا ہے کہ ہم دیوالی کے چراغ ایک قطار میں جلاتے ہیں اور ہماری کوشش ہے کہ اس قطار کا ایک بھی چراغ نہ بجھے ۔ ہمارا ہندوستان بھی ان چراغوں کی کڑی کی طرح ہے ۔ ہمیں یہ دیکھنا ہے کہ ایک دیا بھی نہ بجھے ۔ تب ہی ملک روشن ہوگا۔ اس دیوالی پر، اس تہوار کو اپنے خاندان سے باہر بھی منائیں، بھائیوں اور بہنوں کے ساتھ، کسی بھی دوسری برادری، کسی بھی دوسرے علاقے یا زبان بولنے والے ، کسی بھی دوسرے معاشی یا سماجی طبقے کے ساتھ، خوشیاں بانٹیں، چراغ روشن کریں اور مسکراہٹیں پھیلائیں۔’’
مسٹر گاندھی نے کہا کہ اسی سوچ کے ساتھ ہم نے بھارت جوڑو یاترا کا آغاز کیا ہے ، ہر گاؤں، ہر شہر کے اندھیرے کو مل کر دور کرنا ہے ۔ ملک کی شاندار ثقافت، اپنے خوبصورت تہواروں کی روایات کے لیے ہمیں کثرت میں وحدت کی ثقافت کو برقرار رکھنا ہوگا۔