جموں//
جموںکشمیر کے ضلع پونچھ کے منڈی علاقے میں ایک پولیس اہلکار کی لاش بر آمد ہوئی ہے ۔
پولیس کا کہنا ہے کہ اس ضمن میں تحقیقات شروع کی گئی ہیں۔
ذرائع نے بتایا کہ پونچھ کے منڈی علاقے میں جمعے کی شام ایک پولیس اہلکار غالباً واش روم جانے کے دوران پھسل کر گر گیا جس کے نتیجے میں ان کی موت واقع ہوئی ہے ۔
متوفی پولیس اہلکار کی شناخت نریندر شرما ولد رمیشور شرما ساکن رہاری کالونی جموں کے بطور ہوئی ہے جو منڈی میں کالیکہ مندر پر تعینات تھا۔
دریں اثنا ایک پولیس افسر نے واقعے کی تصدیق کرتے ہوئے کہا ہے کہ اس ضمن میں تحقیقات شروع کی گئی ہیں۔انہوں نے کہا کہ قانونی و طبی لوازمات کی ادائیگی کے بعد لاش کو لواحقین کے حوالے کیا جائے گا۔