بارشوں اور برفباری کے بعد وادی میں موسم مجموعی طور پر خشک‘ ہلکی دھوپ

سرینگر//
جمعہ کو وادی میں موسم مجموعی طور پر خشک رہا اور ہلکی دھوپ بھی دیکھنے کو ملی ۔
پہاڑی علاقوں میں برف باری اور میدانی علاقوں میں بارشوں کی وجہ سے وادی میں سردی کی لہر تیز ہوئی ہے جس نے لوگوں کو گرم لباس اور گرمی کیلئے روایتی کانگڑیوں کا استعمال کرنے پر مجبور کر دیا ہے ۔
دریں اثنا محکمہ موسمیات نے وادی میں اگلے چوبیس گھنٹوں کے دوران برف و باراں کی پیش گوئی کی ہے ۔
متعلقہ محکمے کے ایک ترجمان نے کہا کہ وادی میں اگلے چوبیس گھنٹوں کے دوران پہاڑی علاقوں میں کہیں کہیں ہلکی برف باری جبکہ میدانی علاقوں میں کہیں کہیں بارشوں کا امکان ہے ۔انہوں نے کہا کہ بعد ازاں وادی میں موسم میں بتدریج بہتری واقع ہونے کی توقع ہے ۔
وادی میں خراب موسمی حالات کی وجہ سے سردی کی لہر تیز ہوئی ہے اور شبانہ درجہ حرارت معمول سے نیچے درج ہوا ہے ۔
دارلحکومت سرینگر میں کم سے کم درجہ حرارت۵ء۵ڈگری سینٹی گریڈ ریکارڈ کیا گیا جو معمول سے ۵ء۰ڈگری سینٹی گریڈ کم ریکارڈ ہوا تھا۔
سیاحتی مقام گلمرگ میں کم سے کم درجہ حرارت منفی۰ء۲ڈگری سینٹی گریڈ ریکارڈ کیا گیا جو معمول سے۹ء۰ڈگری سینٹی گریڈ ریکارڈ ہوا تھا۔
سیاحتی مقام پہلگام میں کم سے کم درجہ حرارت۰ء۲ڈگری سینٹی گریڈ ریکارڈ کیا گیا جو معمول سے ۵ء۰ڈگری سینٹی گریڈ کم ریکارڈ ہوا تھا۔
شمالی ضلع کپوارہ میں کم سے کم درجہ حرارت۵ء۵ڈگری سینٹی گریڈ ریکارڈ کیا گیا جو معمول سے ۰ء۱ڈگری سینٹی گریڈ زیادہ ریکارڈ ہوا تھا۔
قصبہ قاضی گنڈ میں کم سے کم درجہ حرارت۸ء۳ڈگری سینٹی گریڈ ریکارڈ کیا گیا جو معمول سے ۶ء۰ڈگری سینٹی گریڈ کم ریکارڈ ہوا تھا۔