نتیش کو ڈیولپمنٹ کمشنر نے ‘آرکیا لوجیکل اٹلس آف بہار ’کتاب پیش کی

پٹنہ//وزیر اعلیٰ نتیش کمار کو ایک انے مارگ واقع سنکلپ میں ڈیولپمنٹ کمشنر مسٹر ویویک کمار سنگھ نے بہار ہیریٹیج ڈیولپمنٹ کمیٹی ، فن و ثقافت اور یوتھ محکمہ ، کے ذریعہ شائع کتاب ‘آرکیا لوجیکل اٹلس آف بہار ’(انگریزی اور ہندی ورژن)پیش کیا۔‘آرکیا لوجیکل اٹلس آف بہار ’ کے مصنف ڈیولپمنٹ کمشنر مسٹر ویویک کمار سنکھ ہیں ، جسے ایک ایڈوٹوریل بورڈنے ایڈٹ کیا ہے ۔ یہ کتاب 400 صفحات پر مشتمل ہے ، جس میں 802اعلیٰ معیار کی تصاویر اور 21 نقشے شامل ہیں ۔ اٹلس پر دکھائے گئے تمام نقشے سروے آف انڈیا ، حکومت ہند کے ذریعہ منظور شدہ ہیں ۔
‘بہار میں آثارقدیمہ اٹلس’(Archaeological Atlas of Bihar)ریاست میں آثار قدیمہ کی اشاعت کے میدان میں ایک منفرد کوشش ہے ۔بہار کے آثار قدیمہ کا ورثہ جو کثیر الجہت ہے کو سمجھ پانا ایک مشکل کام رہا ہے ۔ مختلف رنگوں کے نقشے اس طرح سے تیار کیے گئے ہیں کہ ادوار میں بنتی ،بگڑتی تہذیبوں اور ثقافتوں کے بدلتے ہوئے سلسلہ کو آسانی سے سمجھا جاسکتا ہے ۔
اس کتاب کو بنیادی طور پر تین حصوں میں تقسیم کیا گیا ہے ۔ وفاقی طور پر محفوظ مقام ، ریاستی تحفظ شدہ مقامات اور دیگر ایسے مقامات جو محفوظ قرار نہیں دیے گئے ہیں۔دیگر زمرے یادگاروں کی تفصیلات کو جدید انتظامی ڈویژنوں کی اکائیوں کے تحت رکھا گیا ہے ۔ اس کے ساتھ ہی آثار قدیمہ کے مقامات یاد گاروں کو ان کی تاریخی ترتیب کے مطابق نشانزد کر کے نقشوں میں دکھایا گیا ہے ۔ اس کتاب سے بہار کے طویل مدتی ،جامع اور پیچیدہ ورثے کے حوالے سے مستند معلومات حاصل کی جاسکے گی ۔