سرینگر/ 18اکتوبر
جنوبی کشمیر کے پلوامہ ضلع میں منگل کی صبح سپیشل انوسٹی گیشن یونٹ (ایس آئی یو) نے کئی مقامات پر چھاپے ڈالے ۔
باوثوق ذرائع نے یو این آئی اردو کو بتایا کہ منگل کی صبح (ایس آئی یو )نے جنوبی ضلع پلوامہ کے جنڈوال، آر مولہ، نلورا اور بانڈزو گاوں میں کئی رہائشی مکانوں کی تلاشی لی۔
ذرائع نے بتایا کہ امسال اگست کے مہینے میں سیکورٹی فورسز نے ٹہاب کراسنگ کے نزدیک 30کلو وزنی آئی ای ڈی کو برآمد کیا اور اسی کیس کے سلسلے میں منگل کے روز (ایس آئی یو) نے پلوامہ میں چھاپے ڈالے ۔
اُن کے مطابق آئی ای ڈی برآمدگی کیس میں پولیس نے کئی افراد کو گرفتار بھی کیا ہے ۔آخری اطلاعات موصول ہونے تک چھاپہ ماری کا سلسلہ جاری تھا۔
اس سلسلے میں مزید تفصیلات کا انتظار ہے ۔
