تین بچیوں کا باپ بجلی کرنٹ لگنے سے ہلاک

سرینگر//
اننت ناگ ضلع میں بدھ کی صبح اس وقت کہرام مچ گیا جب وہاں تین بیٹیوں کاباپ باتھ روم میں نہانے کے دوران بجلی جھٹکا لگنے سے از جان ہو گیا۔
تفصیلات کے مطابق شانگس اننت ناگ کے برہ رانی پورہ علاقہ کے رہنے والے عبدالمجید وگے باتھ روم میں لگی تارسے چھو گیا وہ بجلی کا جھٹکا لگنے کے بعد بے ہوش محسوس ہوا اور اسے قریبی ہیلتھ سنٹر منتقل کیا گیاجہاں ڈاکٹروں نے اسے مردہ قرار دے دیا۔
بتایا جاتا ہے کہ مذکورہ تین بیٹیوں کا باپ تھا اور اس کی موت سے پورے علاقہ میں کہرام مچ گیا۔ پولیس نے اس سلسلے میں قانون کی متعلقہ دفعات کے تحت مقدمہ درج کر کے تفتیش شروع کر دی ہے۔