فیفا ورلڈ کپ 2022 جیو سنیما پر نشرکیا جائے گا

نئی دہلی//ہندوستان کے اہم اسپورٹس نیٹ ورک وائیکام 18 اسپورٹس نے جمعرات کو جیو سنیما پر فیفا ورلڈ کپ قطر 2022 کے تمام میچوں کی براہ راست نشریات کا اعلان کیا۔
وائیکوم نے کہا کہ جیوسنیما فیفا ورلڈ کپ کے کیوریٹڈکنٹنٹ کو بھی نشر کرے گا۔ فٹ بال کا یہ ٹاپ ٹورنامنٹ 20 نومبر سے 18 دسمبر تک منعقد کیا جائے گا۔ یہ ٹورنامنٹ اسپورٹس 18 چینل پر ٹی وی پر نشر کیا جائے گا۔
وائیکوم 18 اسپورٹس نے کہا کہ فیفا عالمی کپ کے 64 میچز پہلی بار 4کے کوالٹی میں نشر کیے جائیں گے۔ یہ نشریات انگریزی، ہندی، تمل، ملیالم اور بنگالی زبانوں میں دستیاب ہوں گی۔
وائیکوم 18 اسپورٹس کے سی ای او، انل جیراج نے کہا، "وائیکوم 18 اسپورٹس کے ذریعہ مختلف پلیٹ فارمز پرفیفا ورلڈ کپ قطر 2022 کی پیشکش بہت دلچسپ اور ذاتی ہوگی اور جیوسنیما ناظرین کو ایک منفرد تجربہ فراہم کرے گا۔
انہوں نے کہا، "ہم چاہتے ہیں کہ اس ٹورنامنٹ کے وقار کے مطابق ناظرین کو ڈیجیٹل اور دیگر پلیٹ فارمز پر عالمی معیار کی نشریات آسانی سے دستیاب ہوں۔ ہماری کوششیں مداحوں کے تجربے کو بہتر بنانے پر مرکوز ہیں۔