ٹی 20 ورلڈ کپ کا حصہ نہ ہونے سے دکھی ہوں : بمراہ

نئی دہلی// ہندوستان کے سرکردہ تیز گیند باز جسپریت بمراہ نے منگل کو کہا کہ وہ ٹی 20 ورلڈ کپ 2022 میں حصہ نہ لے پانے سے دکھی ہوں لیکن وہ ہندوستانی ٹیم کی مہم کے دوران اس کی حمایت کریں گے بمراہ نے ٹویٹ کیا، "مجھے دکھ ہے کہ میں اس بار ٹی 20 ورلڈ کپ کا حصہ نہیں بنوں گا، لیکن اپنے چاہنے والوں کی جانب سے ملنے والی نیک تمناؤں، دیکھ بھال اور حمایت کے لیے شکر گزار ہوں۔ میں صحت یاب ہوتے ہوئے آسٹریلیا میں ہندوستانی ٹیم کی مہم کا منتظر ہوں۔ میں اس وقت اس کا ساتھ دوں گا۔”
بورڈ آف کنٹرول فار کرکٹ ان انڈیا (بی سی سی آئی) کے سکریٹری جے شاہ نے پیر کو کہا کہ جسپریت بمراہ کمر کی انجری کی وجہ سے آسٹریلیا میں ہونے والے آئی سی سی مینز ٹی 20 ورلڈ کپ سے باہر ہو گئے ہیں۔ یہ فیصلہ بی سی سی آئی کی میڈیکل ٹیم نے تفصیلی تحقیقات اور ماہرین سے مشاورت کے بعد کیا ہے۔
شاہ نے کہا کہ بورڈ جلد ہی ٹی 20 ورلڈ کپ کے لیے بمراہ کے متبادل کا اعلان کرے گا۔ ہندستان اپنی ورلڈ کپ مہم کا آغاز 23 اکتوبر کو پاکستان کے خلاف کرے گا۔ روہت شرما کی ٹیم 6 اکتوبر کو پرتھ کے لیے روانہ ہوگی۔