بمراہ ٹی۔ٹوئنٹی ورلڈ کپ سے باہر

بنگلورو// ہندوستانی ٹیم کے سرکردہ گیند باز جسپریت بمراہ اپنی کمر میں تناؤ کے فریکچر کی وجہ سے جنوبی افریقہ کی ٹی 20 سیریز اور آئی سی سی ٹی 20 ورلڈ کپ 2022 سے باہر ہو گئے ہیں۔
کرک بز نے جمعرات کو بھارتیہ کرکٹ کنٹرول بورڈ (بی سی سی آئی) کے ذرائع کے حوالے سے بتایا کہ بمراہ بنگلورو میں نیشنل کرکٹ اکیڈمی (این سی اے) چلے جائیں گے۔ اگر بمراہ ورلڈ کپ سے پہلے پوری طرح فٹ نہیں ہوتے ہیں تو انہیں ہندوستان کے لیے ایک دھچکا سمجھا جائے گا۔
ذرائع نے بتایا کہ ورلڈ کپ کے پہلے میچ سے قبل ان کی فٹنس کے بارے میں شکوک و شبہات ہے لیکن "امید برقرار ہے”۔
بمراہ دو ماہ کی چوٹ سے واپس آئے اور آسٹریلیا کے خلاف دو ٹی۔ٹوئنٹی کھیلے، حالانکہ وہ جنوبی افریقہ کے خلاف پہلے ٹی۔ٹوئنٹی میں ٹیم کا حصہ نہیں تھے۔ ہندوستانی ٹیم کے فزیو اور میڈیکل ٹیم نے بی سی سی آئی کو مطلع کیا ہے کہ جنوبی افریقہ سیریز کے بقیہ دو میچوں کے لیے ان پر غور نہیں کیا جا سکتا اور انہیں این سی اے جانا پڑے گا۔
واضح رہے کہ اسٹریس فریکچر کو ٹھیک ہونے میں کم از کم چار ہفتے لگتے ہیں اور ورلڈ کپ میں ہندوستان کا پہلا میچ 23 اکتوبر کو پاکستان کے خلاف ہوگا جو صرف تین ہفتے دور ہے۔
بمراہ اس سے قبل متحدہ عرب امارات (یو اے ای) میں ہونے والے ایشیا کپ 2022 میں ہندوستان کی شرکت سے محروم ہوگئے تھے۔ بمراہ آسٹریلیا سیریز کے لیے اسکواڈ میں واپس آنے سے پہلے این سی اے میں بحالی سے گزرے۔
قومی سلیکٹرز نے ابھی تک بمراہ کے متبادل کا اعلان نہیں کیا ہے۔ تاہم ذرائع کا کہنا ہے کہ محمد سراج کو جنوبی افریقہ سیریز کے لیے غور کیا جا رہا ہے۔ ورلڈ کپ کے لیے اضافی کھلاڑیوں کی فہرست میں شامل تجربہ کار بولر محمد شامی 15 رکنی اسکواڈ میں جگہ بنا سکتے ہیں۔
شامی کووڈ کی وجہ سے آسٹریلیا اور جنوبی افریقہ کی ٹی۔ٹوئنٹی سیریز سے باہر تھے، لیکن کوووڈ کی رپورٹ منفی آنے کے بعد وہ سلیکشن کے لیے دستیاب ہیں۔