وفاقی وزیر داخلہ کا جموں کشمیر کا دورہ موخر

جموں//
جموں وکشمیر بھاجپا یونٹ کے صدر رویندر رینا نے منگل کے روز کہا کہ وزیر داخلہ امیت شاہ اب یکم اکتوبر کی بجائے ۴؍اکتوبر کو جموں وکشمیر کے دورے پر آرہے ہیں۔
رینا نے کہا کہ چونکہ وزیر اعظم ٹوکیو روانہ ہوئے ہیں جس کے پیش نظر وزیر داخلہ کو دو چار دن دہلی میں ہی قیام کرنے کی صلاح دی گئی۔
مرکزی وزیر داخلہ امیت شاہ اب چار اکتوبر کو جموں وکشمیر کے دورے پر آرہے ہیں۔
بھاجپا کے جموں وکشمیر یونٹ کے صد ررویندر رینا نے نامہ نگاروں سے بات چیت کے دوران بتایا کہ جاپان کے وزیر اعظم کی آخر ی رسومات کے سلسلے میں وزیر اعظم مودی پیر کی شام ٹوکیو روانہ ہوئے ۔انہوں نے کہا کہ وزیر اعظم نے امیت شاہ کو دہلی میں ہی دو چار دن قیام کرنے کی صلاح دی ہے ۔
بی جے پی یونت صدرنے بتایا کہ وزارت داخلہ کے دفتر سے فون کال موصول ہوئی جس میں بتایا گیا کہ اب وزیر داخلہ چار اکتوبر کو جموں وکشمیر آ رہے ہیں۔انہوں نے بتایا کہ راجوری میں یکم اکتوبر کو جو ریلی ہونے جارہی تھی وہ اب چار اکتوبر کو ہوگی جس کے بعد وزیر داخلہ اگلے دن یعنی پانچ اکتوبر کو کشمیر کا دورہ کریں گے ۔
بتادیں کہ امت شاہ یکم اور دو اکتوبر کو جموں وکشمیر کے دورے پر آنے والے تھے ۔