’فضائی نگرانی کے دوران راز داری کو یقینی بنایا جا رہا ہے‘

سرینگر//
سرینگر پولیس کا کہنا ہے کہ راز داری کو یقینی بنانے کے لئے شہر میں صرف عوامی علاقوں کی فضائی نگرانی رکھی جا رہی ہے ۔
بتادیں کہ پولیس ہائی ریزولیشن کمیرے والے ڈرونز کا استعمال کرکے سری نگر کے مشتبہ مقامات کی فضائی نگرانی رکھ رہی ہے ۔
پولیس کا کہنا ہے کہ اس کا مقصد سماج دشمن عناصر، مجرموں، جنگجوؤں اور جنگجو اعانت کاروں کی تلاش کرنا ہے ۔
سرینگر پولیس نے ا پنے ٹویٹر ہینڈل پر ایک ٹویٹ میں کہا’’ہماری فضائی نگرانی ٹیمیں ہائی ریزولیشن کیمروں کے استعمال سے چوکس نظر رکھتے ہوئے مجرموں اور مفروروں وغیرہ کی تلاش میں ہے ‘‘۔
ٹویٹ میں مزید کہا گیا کہ صرف عوامی علاقوں کی نگرانی رکھی جا رہی ہے تاکہ راز داری کو یقینی بنایا جا سکے ۔
پولیس نے ا پنے ٹویٹر ہینڈل پر شہر خاص کے کسی عوامی علاقے کی ایک کلپ بھی اپ لوڈ کی ہے ۔