وادی میںبارشوں کے بعد خشک موسم کی پیش گوئی

سرینگر//
ہلکی بارشوں کے بعد محکمہ موسمیات نے وادی کشمیر میں اگلے چوبیس گھنٹوں کے دوران موسم مجموعی طور پر خشک رہنے کی پیش گوئی کی ہے ۔
موسمیات محکمے کے ایک ترجمان نے بتایا کہ وادی میں اگلے چوبیس گھنٹوں کے دوران موسم مجموعی طور پر خشک رہنے کا امکان ہے تاہم اس دوران کہیں کہیں ہلکی بوندا باندی بھی متوقع ہے ۔
ترجمان نے کہا کہ بعد ازاں وادی میں۲؍اکتوبر تک موسم کی یہی صوتحال جاری رہنے کا امکان ہے ۔
ادھر وادی میں گذشتہ چوبیس گھنٹوں کے دوران رک رک کر بارشیں ہوئیں اس دوران سرینگر میں۹ء۱ملی میٹر بارش ریکارڈ کی گئی جبکہ قاضی گنڈ میں۲ء۶ملی میٹر‘ پہلگام میں سب سے زیادہ ۶ء۸ملی میٹر، گلمرگ میں۶ء۰ملی میٹر اور کپوارہ میں۸ء۲ملی میٹر بارش ریکارڈ کی گئی۔
وادی میں بارشوں کے بیچ شبانہ درجہ حرارت میں بھی بیشتر مقامات پر کمی درج ہوئی ہے ۔
دارلحکومت سرینگر میں کم سے کم درجہ حرارت۶ء۱۴ڈگری سینٹی گریڈ ریکارڈ کیا گیا جو گذشتہ شب کے درجہ حرارت سے۲ء۱ڈگری سینٹی گریڈ کم ریکارڈ ہوا ہے ۔
وادی کے مشہور زمانہ سیاحتی مقام گلمرگ میں کم سے کم درجہ حرارت۰ء۴ڈگری سینٹی گریڈ ریکارڈ کیا گیا جو گذشتہ شب کے درجہ حرارت سے۲ء۲ڈگری سینٹی گریڈ کم ریکارڈ ہوا ہے ۔
دوسرے سیاحتی مقام پہلگام میں کم سے کم درجہ حرارت۴ء۶ڈگری سینٹی گریڈ ریکارڈ کیا گیا جو گذشتہ شب کے درجہ حرارت سے۹ء۵ڈگری سینٹی گریڈ ریکارڈ ہوا ہے ۔
شمالی ضلع کپوارہ میں کم سے کم درجہ حرارت۶ء۱۲ڈگری سینٹی گریڈ ریکارد کیا گیا جو گذشتہ شب کے درجہ حرارت سے۰ء۲ڈگری سینٹی گریڈ کم ریکارڈ ہوا ہے ۔
گیٹ وے آف کشمیر کے نام سے مشہور قصبہ قاضی گنڈ میں کم سے کم درجہ حرارت۰ء۹ڈگری سینٹی گریڈ ریکارڈ کیا گیا جو گذشتہ شب کے درجہ حرارت سے۰ء۶ڈگری سینٹی گریڈ کم ریکارڈ ہوا ہے ۔