ستیندر جین کے خلاف ای ڈی کی عرضی پر عدالت کا فیصلہ محفوظ

نئی دہلی// دہلی کی ایک عدالت نے انفورسمنٹ ڈائریکٹوریٹ (ای ڈی) کی درخواست پر ریاست کے وزیر صحت ستیندر جین کے خلاف منی لانڈرنگ کیس کو خصوصی جج گیتانجلی گوئل سے دوسری عدالت میں منتقل کرنے کی مانگ کی گئی تھی، جسے جمعرات کو اپنا فیصلہ محفوظ کرلیا۔
پرنسپل ڈسٹرکٹ اینڈ سیشن جج ونے کمار گپتا نے متعلقہ معاملے میں دونوں فریقوں کو سننے کے بعد اپنا فیصلہ محفوظ کر لیا۔
سرکاری وکیل نے کہا کہ مسٹر جین جعلی دستاویزات بنا کر ڈاکٹروں اور جیل حکام کو بھی متاثر کر سکتے ہیں۔ ان کے خلاف اسپتال میں داخل کرانے کے لیے اپنی بیماری کی جعلسازی کا بھی الزام ہے ۔
انہوں نے کہا کہ مسٹر جین وزیر نہیں ہیں لیکن وہ جیل میں ہیں اور جس اسپتال میں انہیں داخل کیا گیا ہے وہ دہلی حکومت کے کنٹرول میں ہے ۔
وکیل دفاع نے اپنے مؤکل کی تحویل میں توسیع اور مقدمے کی سماعت کو موڑنے کے لئے ای ڈی کی عرضیوں کو "بدقسمتی” قرار دیا۔
مسٹر جین کو منی لانڈرنگ کیس میں گزشتہ 30 مئی کو گرفتار کیا گیا تھا۔