کراچی ///
فاسٹ بولر محمد عامر کے ہاں بیٹی کی پیدائش ہوئی ہے، انہوں نے اس حوالے سے اپنے ٹوئٹر اکاؤنٹ پر بیٹی کی تصویر بھی شیئر کی ہے۔
کرکٹر محمد عامر اور ان کی اہلیہ نرجس خاتون کے ہاں تیسری بیٹی کی پیدائش ہوئی ہے۔
محمد عامر نے اپنے ٹوئٹر اکاؤنٹ پر خوشخبری دیتے ہوئے ننھی پری کی تصویر شیئر کی۔
فاسٹ بولر نے لکھا کہ الحمداللّٰہ، اللّٰہ نے بیٹی سے نوازا ہے، جس کا نام آئرا عامر رکھا ہے۔
محمد عامر نے اپنی بیٹی کی تصویر پر سرخ دل کی ایموجی بھی لگائی ہے۔
دوستوں اور پرستاروں کے ساتھ ساتھ پاکستان کرکٹ ٹیم کے کھلاڑیوں کی جانب سے بھی انہیں مبارک باد دینے کا سلسلہ جاری ہے۔
قومی کرکٹ ٹیم کے فاسٹ بولر وہاب ریاض اور وکٹ کیپر سرفراز احمد نے بھی انہیں بیٹی کی پیدائش پر مبارک باد دی ہے۔
سرفراز احمد نے اپنے پیغام میں کہا کہ ماشاءاللّٰہ بہت مبارک ہو بابو، اس کے ساتھ ہی انہوں نے دل کا ایموجی بھی استعمال کیا ہے۔
یاد رہے کہ ان کی سب سے بڑی بیٹی مِنسا کی سالگرہ بھی 12 ستمبر کو آتی ہے، جنہیں محمد عامر نے گزشتہ دنوں سالگرہ کی مبارک باد بھی دی تھی۔
