پیوش گوئل امریکہ کے چھ روزہ دورے پر جائیں گے

نئی دہلی//تجارت اور صنعت کے مرکزی وزیر پیوش گوئل 05 سے 10 ستمبر (چھ دنوں کے لئے ) ہندوستان-امریکہ اسٹریٹجک پارٹنرشپ فورم اور ہند-بحرالکاہل اقتصادی معاہدہ (آئی پی ای ایف) کی وزارتی میٹنگ میں شرکت کریں گے ۔اس دورے کے دوران وہ امریکہ میں سان فرانسسکو اور لاس اینجلس شہر کا دورہ کریں گے ۔
تجارت اور صنعت کی وزارت سے جاری کردہ ایک ریلیز کے مطابق مسٹر گوئل وہاں امریکی حکومت اور صنعت کی کئی اہم شخصیات سے ملاقات کریں گے تاکہ ہندوستان اور امریکہ کے درمیان شراکت داری اور تجارتی اور اقتصادی تعلقات کو مضبوط کیا جا سکے ۔میٹنگ میں ہند-بحرالکاہل خطے میں اقتصادی تعاون کو مضبوط کرنے ، استحکام، شمولیت، اقتصادی ترقی، منصفانہ اور مسابقت کو بڑھانے پر توجہ دی جائے گی۔ وزراء امریکی وزیر تجارت، امریکی تجارتی نمائندے اور دیگر اتحادی ممالک کے وزراء کی کانفرنس میں بھی الگ الگ دو طرفہ ملاقاتیں ہوں گی۔
انڈو پیسیفک اکنامک ایگریمنٹ کا آغاز اس سال 23 مئی کو امریکہ اور انڈو پیسفک خطے کے دیگر شریک ممالک نے مشترکہ طور پر ٹوکیو میں کیا تھا۔ اس موقع پر وزیر اعظم نریندر مودی، امریکی صدر جو بائیڈن، جاپان کے وزیر اعظم کشیدا فومیو اور دیگر شریک ممالک کے رہنما موجود تھے ۔
اس فورم کی وزارتی میٹنگیں 26-27 جولائی کو ویڈیو کانفرنس کے ذریعے ہوئیں۔ آئی پی ای ایف کا مقصد خطے میں امن اور خوشحالی کو فروغ دینا اور اقتصادی روابط کو مضبوط بنانا ہے ۔ اس کے چار ستون ہیں – تجارت، سپلائی چین، صاف معیشت اور منصفانہ معیشت۔
بیان میں کہا گیا ہے کہ ہندوستان ایک آزاد، کھلے اور جامع ہند-بحرالکاہل خطے کے لیے پرعزم ہے اور خطے کی ترقی اور خوشحالی کے لیے شراکت داروں کے درمیان اقتصادی تعاون کو گہرا کرنے کے لیے کام کرے گا۔