کرائم برانچ کی سرینگر اور گاندربل میں تلاشی

سرینگر//
کرائم برانچ کشمیر (سی بی کے) کی اکنامک اوفنس ونگ نے جمعرات کی صبح سرینگر اور گاندر بل اضلاع میں تلاشی کارروائیاں عمل میں لائیں۔
یہ کارروائیاں جموں کشمیر ہاؤسنگ بورڈ کے بر طرف شدہ ایک ایس ایل ٹی سی ماہرکے متعلق ایک کیس کے سلسلے میں انجام دی گئیں۔
سی بی کے کے ایک ترجمان نے اپنے ایک بیان میں کہا کہ منیجنگ ڈائریکٹر جموں و کشمیر ہاؤسنگ بورڈ کی طرف سے ایک تحریری شکایت موصول ہونے پر ایک کیس درج کیا گیا تھا۔
بیان کے مطابق اس شکایت میں الزام عائد کیا گیا تھا کہ ملزم انجینئر حکیم مزمل ولد مرحوم حکیم حبیب اللہ ساکن باغوان پورہ لال بازار سرینگر جموں کشمیر ہاؤسنگ بورڈ کی طرف سے بر طرف کئے جانے کے باوجود بھی اپنے آپ کو ایس ایل ٹی سی ماہر کے بطور ظاہر کرکے آفیشل سیل کا غلط استعمال کر رہا ہے ۔
ترجمان نے کہا کہ سی بی کے کی اکنامک اوفنس ونگ نے اس سلسلے میں تحقیقات شروع کی اور اس دوران ابتدائی طور الزمات صحیح ثابت ہوئے جس کے بعد اس ضمن میں ایک کیس درج کیا گیا۔
ترجمان نے کہا کہ کیس کے سلسلے میں سرینگر اور گاندربل ا ضلاع میں تلاشی کارروائیاں عمل میں لائی جا رہی ہیں جن کے بارے مزید تفصیلات کا انتظار ہے ۔