سرینگر//
جنوبی ضلع اسلام آباد کے ڈورو علاقے میں۳۷سالہ نوجوان کی لاش پُر اسرار حالت میں برآمد کی گئی۔
سرکاری ذرائع نے بتایا کہ پیر کی صبح ڈورو کے چانگو پل کے نزدیک چند مقامی افراد نے لاش دیکھی اور اس بارے میں پولیس کو مطلع کیا۔
پولیس ٹیم فوری طورپر جائے موقع پر پہنچی اور لاش کو تحویل میں لے کر اُس کی شناخت محمد سلیم کلے ولد گل محمد کے بطور کی ۔
معلوم ہوا ہے کہ متوفی پیشے سے درزی تھا ۔
پولیس نے معاملے کی نسبت کیس درج کرکے مزید تحقیقات شروع کی ۔