۷مثبت معاملات:جموں کشمیرکے ۱۷ ؍اضلاع میں کوئی نیا کیس درج نہیں

سرینگر/۲۲مارچ
جموں کشمیر میں پچھلے چوبیس گھنٹوں کے دوران کورونا وائرس کے۷نئے مثبت معاملات سامنے آئے ہیں۔
اس مدت کے دوران دونوں صوبوں میں کوورنا سے کوئی تازہ موت درج نہیں ہو ئی ہے ۔
ایک سرکاری بیان میں کہا گیا ہے کہ۷مجموعی مثبت معاملات میں سے ۵کشمیر اور۲کا تعلق جموں صوبے سے ہے۔
اِس طرح مثبت معاملات کی کل تعداد۴لاکھ۵۳ہزار۵۶۹تک پہنچ گئی ہے‘جن میں سے۹۹(صوبہ جموں میں ۲۹؍ اور کشمیر صوبے میں۷۰)سر گرم معاملات ہیں۔اَب تک۴لاکھ۴۸ہزار۷۲۰؍اَفراد صحت یاب ہوئے ہیں ۔
بیان کے مطابق پچھلے چوبیس گھنٹوں کے دوران ضلع سرینگر میں۴؍ اور ضلع بارہمولہ میں ایک نیا معاملہ درج کیاگیاہے ۔ پلوامہ ،بڈگام،کپواڑہ ، اسلام آباد ،بانڈی پورہ ،گاندربل ،کولگام اورشوپیان اضلاع سے مثبت معاملات کی کوئی رِپورٹ نہیں ہے۔
اِسی طرح جموں میں۲نئے معاملات آج سامنے آئے ہیں ۔ڈوڈہ ، اودھمپور ، راجوری ، کشتواڑ ، کٹھوعہ ،سانبہ ، پونچھ ،رام بن اور رِیاسی اضلاع سے کسی مثبت معاملے کی کوئی رِپورٹ نہیں آئی ہے۔
بیان میں کہا گیا ہے کہ گزشتہ ۲۴ گھنٹوں میں دونوں صوبوں میں کورونا سے کوئی نئی موت درج نہیںہو ئی ہے ۔اب تک جموں وکشمیر میں کوروناوائرس سے مرنے والوں کی مجموعی تعداد۴۷۵۰تک پہنچ گئی ،جن میں سے ۲۴۲۳کا کشمیر اور۲۳۲۷کاتعلق جموں صوبہ سے ہے۔
اِسی دوران آج مزید۱۹؍اَفراد شفایاب ہوئے ہیںجن میںجموں صوبے کے۱۳؍افراداور کشمیر صوبے کے۶؍افرادشامل ہیں۔