گوٹہ پورہ بڈگام میں مشتبہ جنگجوؤں کے حملے میں شہری ہلاک

بڈگام /۲۱مارچ
وسطی کشمیر کے ضلع بڈگام کے گوٹہ پورہ علاقے میں پیر کی شام کو نامعلوم بندوق برداروں نے ایک شہری کو ہلاک کیا ۔
پولیس ذرائع کاکہنا ہے کہ حملہ آوروں نے تجمل محی الدین ڈار پر اس کے گھر میں گھس کر گولیاں چلائیں جس سے وہ زخمی ہو گیا ۔
ایس پی بڈگام کے مطابق ڈار ہسپتال لے جاتے ہوئے دم توڑ بیٹھا ۔واقعہ کے بعد فورسز نے علاقوں کو اپنے محاصرے میں لیا اور حملہ آوروں کی تلاش شروع کردی ‘ تاہم کسی کی گرفتاری عمل میں نہیں لائی گئی ۔
واقعہ کے حوالے پولیس کے ایک ترجمان نے آج شام جاری ایک بیان میں کہا کہ’ دہشت گرد ‘بڈگام کے گوٹہ پورہ علاقے کے رہنے والے ایک شہری تجمل محی الدین ڈار کے گھر میں گھس گئے اور اس پر اندھا دھند فائرنگ کی۔ دہشت گردی کے اس واقعے میں ڈار گولی لگنے سے وہ شدید زخمی ہوا اور اسے فوری طور پر علاج کے لیے قریبی اسپتال منتقل کیا گیا تھا تاہم ڈاکٹروں نے اسے مردہ قرار دے دیا ۔
اس دوران جموںکشمیر کے جنوبی ضلع پلوامہ کے گانگو علاقے میں پیر کی شام مشتبہ جنگجووں نے غیر مقامی مزدور پر فائرنگ کی جس کے نتیجے میں وہ شدید طورپر زخمی ہوا ہے ۔
سرکاری ذرائع نے بتایا کہ اسلحہ برداروں نے پیر کی شام گانگو پلوامہ میں پارس مندن ساکن بہارنامی مزدور پر نزدیک سے گولیاں چلائیں ۔انہوں نے بتایا کہ زخمی شخص کو علاج ومعالجہ کی خاطر نزدیکی ہسپتال منتقل کیا گیا ۔
ذرائع نے مزید کہا کہ اس واقعے کے بعد سیکورٹی فورسز نے علاقے کو محاصرے میں لے کر تلاشی آپریشن چلایا، لیکن حملہ آور فرار ہونے میں کامیاب ہو چکے تھے ۔
پولیس ترجمان نے اس واقعہ کے حوالے سے ایک بیان میں کہا کہ پلوامہ میں تقریباً رات پونے آٹھ بجے ’دہشت گردوں ‘نے ایک ٹھیلے والے پر فائرنگ کی جس کی شناخت بسوجیت کمار ولد پارس مڈل ساکن بہار کے طور پر کی گئی۔ دہشت گردی کے اس واقعہ میں اسے گولی لگنے سے زخم آئے اور اسے فوری طور پر کریٹیکل کیئر ایمبولینس میں ایس ایم ایچ ایس اسپتال سری نگر منتقل کیا گیا جہاں اس کا علاج کیا جارہا ہے۔
ترجمان کے مطابق پولیس نے دہشت گردی کے دونوں واقعات کے حوالے سے مقدمات درج کر لیے ہیں۔ تفتیش جاری ہے اور افسران دہشت گردی کے ان جرائم کی طرف لے جانے والے مکمل حالات کا تعین کرنے کے لیے کام جاری رکھے ہوئے ہیں۔ متعلقہ علاقوں کو گھیرے میں لے لیا گیا ہے اور ان علاقوں میں تلاشی جاری ہے۔
بتادیں کہ ۱۹مارچ کی شام کو بھی مشتبہ ملی ٹینٹوں نے آری ہل پلوامہ میں اُتر پردیش سے تعلق رکھنے والے غیر مقامی ترکھان پر فائرنگ کی جس وجہ سے وہ گولی لگنے سے زخمی ہوا تھ