نئی دہلی/۲۱مارچ
کانگریس پارٹی کے سینئر رہنما غلام نبی آزاد کو عوامی امور کے میدان میں پدم بھوشن ایوارڈ سے نوازا گیا۔
صدر جمہوریہ رام ناتھ کووند نے غلام نبی آزاد کو یہ اعزاز اپنے ہاتھوں سے دیا۔
رواں برس۲۶ جنوری کی شام کو حکومت ہند نے غلام نبی آزاد کو پدم بھوشن سے نوازنے کا اعلان کیا تھا۔
ایوارڈ حاصل کرنے کے بعد غلام نبی آزاد نے کہا ’’ملک کام کو پہچانتا ہے۔ جب میرے کام کی پہچان ہوتی ہے تو اچھا لگتا ہے۔ اس سے مجھے ملک کیلئے کام کرنے کی ترغیب ملتی ہے‘‘۔ انہوں نے کہا’’ہمیں یہ نہیں سوچنا چاہیے کہ ایوارڈ کس کو ملا اور کس نے دیا۔ پدم ایوارڈز کوئی حکومت نہیں، ملک دیتا ہے’’۔
قابل ذکر ہے کہ رواں برس۱۲۸؍افراد کو پدم ایوارڈز سے نوازا جا رہا ہے۔ جن میں۴ پدم وبھوشن‘۱۷پدم بھوشن اور ۱۰۷ پدم شری دیے جائیں گے۔
ان ایوراڈ یافتہ میں ۳۴خواتین ہیں اور اس فہرست میں غیر ملکی زمرے سے۱۰؍ افراد اور۱۳ بعد از مرگ ایوارڈ یافتہ افراد بھی شامل ہیں۔
واضح رہے کہ اس تعلق سے دوسری سول ڈیکوریشن تقریب ۲۸ مارچ کو منعقد ہونے والی ہے۔