سڑک حادثوں میں۶ فورسز اور دو پولیس اہلکا زخمی

سرینگر//
جموںکشمیر کے وسطی ضلع گاندربل کے واسکورہ علاقے میں سی آر پی ایف کی دو گاڑیوں کے مابین آپسی ٹکر کے نتیجے میں چھ اہلکار زخمی ہوئے جنہیں علاج ومعالجہ کی خاطر نزدیکی ہسپتال منتقل کیا گیا۔
سرکاری ذرائع نے بتایا کہ ہفتے کی سہ پہر کو گاندربل کے واسکورہ علاقے میں سی آر پی ایف کی دو گاڑیوں کے درمیان ٹکر ہوئی جس کے نتیجے میں چھ اہلکار شدید طورپر زخمی ہوئے۔انہوں نے بتایا کہ آس پا س موجود لوگوں نے زخمی اہلکاروں کو علاج ومعالجہ کی خاطر نزدیکی ہسپتال منتقل کیا جہاں سے ابتدائی مرہم پٹی کے بعد انہیں جے وی سی سری نگر ریفر کیا گیا۔
معلوم ہوا ہے کہ زخمیوں میں سے دو اہلکاروں کی حالت نازک بنی ہوئی ہے۔پولیس نے معاملے کی نسبت کیس درج کرکے مزید تحقیقات شروع کی۔
اس دورانسرینگر کے شالہ ٹینگ علاقے میں ہفتے کی سہ پہر کو سکوٹی کو روکنے کے دوران دو پولیس اہلکار زخمی ہوئے جن میں سے ایک کی حالت تشویشناک بنی ہوئی ہے ۔
ذرائع نے بتایا کہ ہفتے کی سہ پہر کو شالہ ٹینگ سرینگر میں جموں وکشمیر پولیس کے اہلکاروں نے ناکہ لگایا جس دوران ایک سکوٹی کو رکنے کا اشارہ کیا گیا ۔
ذرائع کا کہنا ہے کہ ڈرائیور سکوٹی پر کنٹرول نہ رکھ سکا جس دوران وہ ناکہ چیکنگ پر مامور دو پولیس اہلکاروں کے ساتھ جا ٹکرایا جس وجہ سے دونوں شدید طورپر زخمی ہوئے جنہیں علاج ومعالجہ کی خاطر نزدیکی ہسپتال منتقل کیا گیا۔
زخمی پولیس اہلکاروں کی شناخت ہیڈ کانسٹیبل اشفاق احمد اور کانسٹیبل غلام مرتضیٰ کے بطور ہوئی ۔
ذرائع کے مطابق کانسٹیبل غلام مرتضیٰ کو تشویشناک حالت میں صورہ میڈیکل انسٹی چیوٹ منتقل کیا گیا۔
پولیس نے معاملے کی نسبت کیس درج کرکے مزید تحقیقات شروع کی۔