ہرمن پریت کی ہیٹ ٹرک سے ہندستان کی جیت

برمنگھم// ہندوستانی مردوں کی ہاکی ٹیم نے کامن ویلتھ گیمز 2022 میں ہرمن پریت سنگھ کے تین گول کی بدولت ویلز کو 4-1 سے شکست دی۔
ہندوستان کے آخری پول بی میچ میں، نائب کپتان ہرمن پریت (18’، 20’، 41′) نے تین گول کیے جبکہ گرجنت (49′) نے ایک گول کیا۔ ویلز کا واحد گول گیرتھ فرلانگ (55 ) نے کیا۔
ہندوستان میچ کے آغاز سے ہی مخالف ویلز پر حاوی رہا، حالانکہ پہلے کوارٹر میں کسی طرف سے گول نہیں ہوا۔ دوسرے کوارٹر میں ہندوستان نے دو پنالٹی کارنرز کو گول میں تبدیل کیا۔
ہرمن پریت نے پہلے کوارٹر-2 کے تیسرے منٹ میں مخالف گول کیپر کو چھکاتے ہوئے گیند کو جال تک پہنچایا اور پھر دو منٹ بعد ہی گول کیپر کے بائیں طرف سے گول کیا۔ اس گول کے ساتھ وہ کامن ویلتھ گیمز 2022 میں آٹھ گول کر کے سب سے زیادہ گول کرنے والے کھلاڑی بن گئے۔
میچ کے تیسرے کوارٹر میں ہرمن پریت نے پنالٹی کارنر کھو دیا، حالانکہ انہوں نے 41ویں منٹ میں کامیاب پینلٹی اسٹروک کرتے ہوئے میچ میں گولوں کی ہیٹ ٹرک مکمل کی۔
گرجنت کا ہاکی کا واحد گول 49ویں منٹ میں اس وقت آیا جب انہوں نے شمشیر کے پاس کو جال کی طرف بڑھاتے ہوئے نیٹ تک پہنچایا۔ اس گول کو پہلے مسترد کر دیا گیا تھا لیکن ہندستان کے ویڈیو ریفرل کے بعد اسے درست قرار دیا گیا تھا۔
ویلز کے فرلانگ نے کوارٹر 4 کے 10ویں منٹ میں پنالٹی کارنر سے اپنی ٹیم کا تسلی بخش گول کیا۔ اس سے چار منٹ قبل فرلانگ کو ایک اور پنالٹی کارنر ملا تھا لیکن ان کے شاٹ کو ہندستانی گول کیپر کرشنا پاٹھک نے کامیابی سے روک دیا۔
اپنا آخری پول میچ جیتنے کے بعد ہندوستان چار میچوں میں 10 پوائنٹس کے ساتھ سرفہرست مقام پر آ گیا ہے۔ دوسرے نمبر پر انگلینڈ ہے جو سات پوائنٹس کے ساتھ کینیڈا کے خلاف میچ کھیلے گا۔ اگر انگلینڈ پہلے نمبر آنا چاہتا ہے تو اسے ہندوستان کے 12 گول کے فرق کو پاٹنا ہوگا۔