خواتین کے 1500 میٹر ٹی 12/13 مقابلے میں سومیا نے سونے اور رادھا نے چاندی کا تمغہ جیتا

آئیچی-ناگویا (جاپان)، 19 اکتوبر (یو این آئی) ایشیائی پیرا کھیل 2026 میں پیر کو ہندوستان کی سومیا نے خواتین کے 1500 میٹر ٹی 12/13 مقابلے میں شاندار کارکردگی کا مظاہرہ کرتے ہوئے سونے کا تمغہ جیتا۔ وہیں ہم وطن رادھا وینکٹیش نے چاندی کا تمغہ حاصل کیا۔
آج یہاں ہوئے مقابلے میں ایشیائی پیرا کھیلوں میں پہلی بار حصہ لے رہی سومیا نے اب تک کے اپنے بہترین وقت 5:12.39 (621 پوائنٹس) کے ساتھ سونے کا تمغہ جیتا۔
وہیں رادھا وینکٹیش نے 5:30.90 (421 پوائنٹس) کے وقت کے ساتھ چاندی کا تمغہ جیتا۔ 2022 کے ایشیائی پیرا کھیلوں میں رادھا 5:19.35 کے وقت کے ساتھ پہلے مقام پر رہی تھیں۔