جموں؍ ۱۵ ؍اکتوبر
انسپکٹر جنرل آف پولیس (آئی جی پی) جموں خطے تیجندر سنگھ نے جمعرات کو کشتواڑ ضلع کا دورہ کیا اور وہاں سلامتی کی صورتحال اور کارروائیوں کے لیے تیاریوں کا جائزہ لیا۔ حکام نے یہ اطلاع دی۔
آئی جی پی کے ہمراہ ڈوڈہ، کشتواڑ اور رام بن رینج کے ڈپٹی انسپکٹر جنرل آف پولیس سرگن شکلا بھی موجود تھے۔
حکام کے مطابق، تیجندر سنگھ نے سلامتی سے متعلق ایک جائزہ اجلاس کی صدارت کی، جس میں کشتواڑ کے سینئر سپرنٹنڈنٹ آف پولیس سنی گپتا نے انہیں علاقے کی موجودہ سلامتی صورتحال، انسدادِ دہشت گردی تیاریوں، مختلف پولیس رینجوں کے درمیان تال میل، جرائم کی روک تھام، منشیات مخالف کارروائیوں اور اہم تنصیبات کی سلامتی کے بارے میں تفصیلی جانکاری دی۔
سنگھ نے سلامتی سے متعلق چیلنجوں سے مؤثر طور پر نمٹنے کے لیے پیشگی پولیس کارروائی، زیادہ چوکس رہنے اور تمام سلامتی اداروں کے درمیان قریبی تال میل برقرار رکھنے کی ضرورت پر زور دیا۔
اس اجلاس میں پولیس کے سینئر افسران، سب ڈویژنل پولیس افسران، تھانہ انچارجوں اور پولیس چوکیوں کے انچارجوں نے شرکت کی۔
۔۔۔۔۔۔۔۔۔۔۔۔۔(ایجنسیاں)
