اُدھم پور؍ ۱۵ اکتوبر
اُدھم پور ضلع کے ڈھلپر علاقے میں جمعرات کو ایک میٹاڈور سڑک سے پھسل کر کھائی میں جا گری، جس کے نتیجے میں کم از کم ۱۷ مسافر زخمی ہوگئے۔ حکام نے یہ اطلاع دی۔
ایک مقامی خبر رساں ایجنسی کے مطابق، ایک افسر نے بتایا کہ میٹاڈور اُدھم پور سے جھونو ٹنل کی جانب جا رہی تھی کہ اسی دوران یہ حادثہ پیش آیا۔
انہوں نے بتایا کہ تمام ۱۷ زخمی مسافروں کو علاج کے لیے گورنمنٹ میڈیکل کالج (جی ایم سی) اُدھم پور منتقل کیا گیا۔
زخمیوں کی شناخت گایتری دیوی (۶۳)، زوجہ بدری ناتھ، ساکن سرسو؛ سودیش کمار (۳۲)، ولد کاکا رام، ساکن پرووا؛ انو دیوی (۱۹)، دختر گووند رام، ساکن پرووا؛ شلو دیوی (۳۵)، زوجہ سنجے کمار، ساکن پرووا؛ اوم پرکاش (۶۳)، ولد منگت رام؛ میناکشی دیوی، زوجہ سنیل کمار، ساکن دھنال؛ سوہن لال (۳۸)، ولد شام لال، ساکن دھنال؛ اور ہریش کمار (۴)، ولد درشن کمار، ساکن پرووا کے طور پر کی گئی ہے۔
دیگر زخمیوں میں منیشا دیوی (۲۲)، زوجہ کرشن کمار، ساکن دھنال؛ اشوک کمار (۵۰)، ولد چیت رام، ساکن سرسو؛ درشن کمار (۴۳)، ولد بنسی لال، ساکن سرسو؛ جوگیندر کمار (۲۲)، ولد اوم پرکاش، ساکن سرسو؛ کاجل (۲۴)، زوجہ دیپک کمار، ساکن پرووا؛ جیوتی دیوی (۲۶)، زوجہ درشن کمار، ساکن پرووا؛ انیل کمار (۳۵)، ولد دیس راج، ساکن دھنال؛ اجے کمار (۲۷)، ولد کاکا رام، ساکن پرووا؛ اور اکھلیش (۹)، ولد نارائن دت، ساکن پرووا شامل ہیں۔
دریں اثنا، حکام نے واقعے کا نوٹس لے لیا ہے۔
۔۔۔۔۔۔(ایجنسیاں )
