سرینگر؍۱۴؍ اکتوبر
جموں و کشمیر کرائم برانچ کے اسپیشل کرائم ونگ (ایس سی ڈبلیو) نے بدھ کے روز مبینہ دھوکہ دہی اور بدعنوانی کے ایک معاملے میں تین سرکاری ملازمین کے خلاف چارج شیٹ داخل کی، حکام نے بتایا۔
حکام کے مطابق، ایس سی ڈبلیو کشمیر نے رنبیر پینل کوڈ کی متعلقہ دفعات اور انسدادِ بدعنوانی قانون کی دفعہ۵(۲)کے تحت درج ایک مقدمے میں تین ملزمان کے خلاف سرینگر کی خصوصی عدالت برائے انسدادِ بدعنوانی میں چارج شیٹ پیش کی۔
ملزمان کی شناخت عبدالرشید گوجری، جو بیروہ کے سب ڈویژنل زرعی دفتر میں ہیلپر کے طور پر تعینات ہیں؛ منظور احمد وانی، جو چیف ایگریکلچر آفیسر بڈگام کے دفتر میں سیکشن آفیسر ہیں؛ اور پیر عبدالرشید، ریٹائرڈ سب ڈویژنل ایگریکلچر آفیسر (ایس ڈی اے او) کے طور پر کی گئی ہے۔
۔۔۔۔۔۔(ایجنسیاں )
