سری نگر؍۷؍ اکتوبر
جموں و کشمیر حکومت نے انتظامیہ میں بڑے پیمانے پر ردوبدل کرتے ہوئے ۴۹؍افسران کے تبادلے اور نئی تعیناتیاں عمل میں لائی ہیں۔ محکمہ جنرل ایڈمنسٹریشن (جی اے ڈی) عمومی انتظامیہ کی جانب سے بدھ کو جاری سرکاری حکم نامے کے مطابق تمام تبادلے فوری اثر سے نافذ ہوں گے۔
حکم نامے کے مطابق آئی اے ایس افسر شالین کبرا، جو محکمہ جل شکتی کے مالیاتی کمشنر اور ایڈیشنل چیف سیکریٹری ہیں، کو محکمہ محصولات کے انتظامی سیکریٹری کا اضافی چارج بھی سونپا گیا ہے۔ اس کے ساتھ ہی کمار راجیو رنجن کو محکمہ محصولات کے اضافی چارج سے فارغ کر دیا گیا ہے۔
ڈاکٹر آشیش چندر ورما کو محکمہ سیاحت سے منتقل کرکے محکمہ زرعی پیداوار کا مالیاتی کمشنر اور ایڈیشنل چیف سیکریٹری مقرر کیا گیا ہے۔ ایم راجو کو محکمہ صحت و طبی تعلیم کے اضافی چارج سے فارغ کرتے ہوئے محکمہ مہمان نوازی و پروٹوکول کا اضافی چارج دیا گیا ہے۔ انہیں محکمہ ڈیزاسٹر مینجمنٹ، ریلیف، بحالی اور تعمیر نو کا اضافی چارج بھی سونپا گیا ہے۔
سواگت بسواس کو محکمہ صحت و طبی تعلیم کا کمشنر سیکریٹری مقرر کیا گیا ہے، جبکہ سرمد حفیظ کو محکمہ سماجی بہبود سے منتقل کرکے محکمہ نوجوانوں کی خدمات و کھیل کا کمشنر سیکریٹری تعینات کیا گیا ہے۔
آر ایلس واز کو کمشنر سیکریٹری محکمہ ٹرانسپورٹ مقرر کیا گیا ہے۔ وہ محکمہ شہری ہوا بازی کی انتظامی سیکریٹری اور کمشنر شہری ہوا بازی کا اضافی چارج بھی سنبھالیں گی اور محکمہ اطلاعات کا چارج برقرار رکھیں گی۔
رمیش کمار کو ڈویژنل کمشنر جموں کے عہدے سے منتقل کرکے محکمہ دیہی ترقی و پنچایتی راج کا سیکریٹری مقرر کیا گیا ہے۔ انہیں محکمہ ثقافت کے انتظامی سیکریٹری کا اضافی چارج بھی دیا گیا ہے جبکہ نئی دہلی میں جے اینڈ کے حکومت کے ریزیڈنٹ کمشنر کا چارج وہ برقرار رکھیں گے۔ نوین ایس ایل کو کمشنر انکوائریز جموں و کشمیر مقرر کیا گیا ہے۔
اونتی لواسہ کو سیکریٹری محکمہ سیاحت تعینات کیا گیا ہے، جبکہ وہ قبائلی امور کے انتظامی سیکریٹری کا اضافی چارج برقرار رکھیں گی۔ انجیلی سہراوت کو سیکریٹری محکمہ عوامی شکایات مقرر کیا گیا ہے۔
جموں و کشمیر سروسز سلیکشن بورڈ کے چیئرمین وکاس کنڈل کو ڈویژنل کمشنر جموں مقرر کیا گیا ہے۔ وہ جموں میٹروپولیٹن ریجنل ڈیولپمنٹ اتھارٹی کے ایڈیشنل چیف ایگزیکٹو افسر کا اضافی چارج بھی سنبھالیں گے۔
مجید خلیل احمد ڈرو کو انسپکٹر جنرل رجسٹریشن جموں و کشمیر، راہل یادو کو انتظامی سیکریٹری محکمہ اطلاعات ٹیکنالوجی اور اویس احمد کو انتظامی سیکریٹری محکمہ منصوبہ بندی، ترقی و نگرانی مقرر کیا گیا ہے۔ راہل یادو جے اینڈ کے پاور ڈیولپمنٹ کارپوریشن کے منیجنگ ڈائریکٹر کا اضافی چارج بھی سنبھالیں گے۔
ساگر دویفودے دتاتریہ کو انتظامی سیکریٹری محکمہ سماجی بہبود مقرر کیا گیا ہے۔ ڈاکٹر دیوانش یادو کو ڈپٹی کمشنر راجوری، راکیش منہاس کو اسٹیٹ ہیلتھ ایجنسی کا چیف ایگزیکٹو افسر اور شری کانت بالاصاحب سوسے کو جے اینڈ کے سروسز سلیکشن بورڈ کا چیئرمین مقرر کیا گیا ہے۔
اکریتی ساگر کو جے اینڈ کے ٹورازم ڈیولپمنٹ کارپوریشن کی منیجنگ ڈائریکٹر مقرر کرتے ہوئے جے اینڈ کے اکنامک ریکنسٹرکشن ایجنسی کے چیف ایگزیکٹو افسر کا اضافی چارج بھی دیا گیا ہے۔ اطہر عامر شفیع خان کو نیشنل ہیلتھ مشن جموں و کشمیر کا منیجنگ ڈائریکٹر مقرر کیا گیا ہے۔
پلوامہ کے ڈپٹی کمشنر بشارت قیوم کو سری نگر میونسپل کارپوریشن کا کمشنر مقرر کیا گیا ہے۔ وہ سری نگر اسمارٹ سٹی منصوبے کے نفاذ کے لیے ایس پی وی کے چیف ایگزیکٹو افسر کا اضافی چارج بھی سنبھالیں گے۔ آیوشی سودان کو جموں میونسپل کارپوریشن کا کمشنر مقرر کیا گیا ہے۔
منگا شرپا کو ڈپٹی کمشنر جموں، فضل الحسیب کو محکمہ زرعی پیداوار کا ایڈیشنل سیکریٹری، ابھیشیک شرما کو ڈپٹی کمشنر کپواڑہ، ڈاکٹر روپیش کمار کو ڈپٹی کمشنر سانبہ، جتن کشور کو ڈپٹی کمشنر بڈگام اور محکمہ اطلاعات کی ڈائریکٹر شریا سنگھل کو ڈپٹی کمشنر گاندربل مقرر کیا گیا ہے۔
اننتھ دویدی کو ڈپٹی کمشنر ادھم پور مقرر کیا گیا ہے، جبکہ ممتا یادو کو ڈائریکٹر اطلاعات جموں و کشمیر تعینات کیا گیا ہے۔ مہما مدن کو ایڈیشنل ڈسٹرکٹ ڈیولپمنٹ کمشنر اننت ناگ مقرر کیا گیا ہے۔
ودھو شیکھر کو جموں ڈیولپمنٹ اتھارٹی کا وائس چیئرمین، پرانجل جے ہزاریکا کو ڈائریکٹر آرکائیوز، آثار قدیمہ و عجائب گھر اور وویک اگروال کو ڈائریکٹر ایمپلائمنٹ جموں و کشمیر مقرر کیا گیا ہے۔ وویک اگروال مشن یوا کے چیف ایگزیکٹو افسر کا اضافی چارج بھی سنبھالیں گے۔
وکاس اہلاوت کو لیبر کمشنر جموں و کشمیر، پرنس کمار کو شری امرناتھ جی شرائن بورڈ میں او ایس ڈی، گورو یادو کو ایس ڈی ایم اُڑی اور سیرت باجی کو ایس ڈی ایم سری نگر ویسٹ مقرر کیا گیا ہے۔
لینا پادھا کو رجسٹرار کوآپریٹو سوسائٹیز جموں و کشمیر، جبکہ راجندر سنگھ تارا کو محکمہ محصولات کا سیکریٹری مقرر کیا گیا ہے۔ انو ملہوترا کو مشن ڈائریکٹر جل جیون مشن تعینات کیا گیا ہے۔
جے کے اے ایس افسر کلدیپ کرشن سدھا کو ڈپٹی کمشنر پلوامہ، چندیپ سنگھ کو ڈپٹی کمشنر شوپیاں، راکیش کمار کو خصوصی سیکریٹری لوک بھون، سچن جموال کو ایڈیشنل ڈپٹی کمشنر کٹھوعہ، سشیل کیسر کو ایڈیشنل ڈپٹی کمشنر ریاسی اور عرفان بہادر کو اسسٹنٹ کمشنر ریونیو بڈگام مقرر کیا گیا ہے۔
افروزہ بانو، جو اسسٹنٹ کمشنر ریونیو بڈگام تھیں، کو محکمہ عمومی انتظامیہ میں رپورٹ کرنے کی ہدایت دی گئی ہے جہاں انہیں مزید تعیناتی کے احکامات کا انتظار کرنا ہوگا۔
حکومت نے واضح کیا ہے کہ مذکورہ تمام تبادلے اور تعیناتیاں فوری طور پر نافذ العمل ہوں گی۔
۔۔۔۔۔۔۔(ندائے مشرق خبر)
