پونچھ؍۳؍اکتوبر
بھارتی فوج نے راجوری ضلع کے نوشہرہ علاقے میں لائن آف کنٹرول (ایل او سی) عبور کرکے بھارتی حدود میں داخل ہونے والی پاکستان کے زیر انتظام جموں و کشمیر کی ایک ۱۷سالہ لڑکی کو حراست میں لے لیا۔
حکام کے مطابق فوجی گشت پر مامور اہلکاروں نے نوشہرہ کے لام سیکٹر میں ایل او سی کے قریب ایک لڑکی کی مشتبہ نقل و حرکت دیکھی، جس کے بعد اسے روک کر حراست میں لے لیا گیا۔
حکام نے بتایا کہ لڑکی کی شناخت سمیہ عظیم(۱۷) دختر محمد عظیم، ساکنہ خوئی رٹہ، پی او جے کے کے طور پر ہوئی ہے۔انہوں نے کہا کہ فوجی اہلکاروں نے ابتدائی پوچھ گچھ کے بعد لڑکی کو مقامی پولیس کے حوالے کر دیا۔
فی الحال نوشہرہ پولیس لڑکی سے پوچھ گچھ کر رہی ہے۔ دورانِ تفتیش لڑکی نے مبینہ طور پر بتایا کہ وہ غلطی سے ایل او سی عبور کرکے بھارتی حدود میں داخل ہوگئی تھی۔
پولیس نے واقعے کے تمام پہلوؤں کا جائزہ لینے کے لیے مزید تحقیقات شروع کر دی ہے۔
۔۔۔۔(ایجنسیاں)
