پاکستان کادو شہریوں کی مبینہ ہلاکت پر بھارت سے ’’سخت احتجاج‘‘

سرینگر؍۳؍اکتوبر

                پاکستان نے ہفتہ کے روز کہا کہ اس کی وزارت خارجہ نے بھارتی ناظم الامور کو طلب کرکے 2 اکتوبر 2026 کو بین الاقوامی سرحد کے قریب بدیان سیکٹر میں بارڈر سیکیورٹی فورس (بی ایس ایف) کے اہلکاروں کے ہاتھوں دو پاکستانی شہریوں کی مبینہ ہلاکت پر احتجاج درج کرایا۔

                حکام کے مطابق، بی ایس ایف اہلکاروں نے جمعہ کے روز پنجاب کے ترن تارن ضلع میں بین الاقوامی سرحد کے قریب دو مشتبہ پاکستانی دراندازوں کو گولی مار کر ہلاک کردیا۔ خبر رساں ایجنسی پی ٹی آئی نے یہ اطلاع دی ہے۔

                پاکستان نے الزام عائد کیا کہ بی ایس ایف اہلکاروں نے ’’غیر مسلح شہریوں کے خلاف بلااشتعال مہلک طاقت کا استعمال کیا‘‘۔ پاکستانی وزارت خارجہ نے ایک بیان میں کہا، ’’طاقت کا ایسا استعمال مکمل طور پر بلاجواز اور انتہائی غیر متناسب تھا، جس کے نتیجے میں دو قیمتی جانوں کا المناک نقصان ہوا۔ پاکستان متوفین کو ’درانداز‘ قرار دینے کی کسی بھی کوشش کو واضح طور پر مسترد کرتا ہے۔‘‘

۔۔۔۔(ویب ڈیسک)